Јанушев:СДСМ шират лажни вести за да се молчи за случајот „Рекет“ и да не се зборува за пакетот мерки на ВМРО-ДПМНЕ

Заев и Власта во заминување панично шират лажни вести, баш како што го “личи” еден хибриден режим.

Вчера осамна вест дека Наќе Чулев си поднел оставка, ама Наќе не знаел за тоа. Веднаш потоа се излезе со втора лажна вест преку друго “гласило” на Бихачка, овојпат надградена и проширена дека оставки депонирале сите членови на ВМРО-ДПМНЕ во техничката влада.

Што стана со реакцијата на владата, која ќе потсетам донесе стратегија за борба против лажните вести? Очекувано штама, немаше никаква реакција ниту од најпознатиот средношколец советник за медиуми во владата, ниту од министерот за пропаганда кој верувам има поголеми проблеми со пајажината која сам си ја сплете со авторските права, отколку со лажните вести кои ги пуштаат неговите кругови.

Еснафските здруженија молчат затоа што жртвата не е СДСМ, па да реагираат. И сега нема да се занимаваам со оние кои ја убиваат вистината, туку со причините зошто тоа го прават.

СДСМ шират лажни вести за да се молчи за Рекет, да не се зборува за пакетот мерки на ВМРО-ДПМНЕ и да се сокрие бруката со фијаското на маршот со Заев.
Шират лажни вести за да не се одговори што барал Зоран Заев на тајна средба со Катица Јанева, и Вице Заев на средба со Зоран Милевски Кичеец.
Шират лажни вести за да отргнат внимание од пакетот мерки за инвестициски инфраструктурен бум кој го вети ВМРО-ДПМНЕ и градбата на нов автопат за Битола, обнова на 1000 км регионални патишта и 2 милијарди евра во нови патишта.
Шират лажни вести за да ја сокријат бруката со маршот каде собраа едвај 2 до 3 илјади симпатизери и дел администрација донесена под уцена, каде во траорна атмосфера говореше лидерот на неправдите Зоран Заев.

Ова беше прозирен обид за одвлекување на вниманието. Губитнички. Или со други зборови, што викаше Димитрија во Диво месо од Горан Стефановски “Солзи немам да ве исплачам колку сте за тажење!”

Поврзани вести

Стојаноска: Со серијата пропусти Филипче го загрозува здравјето на граѓаните, затоа ВМРО-ДПМНЕ ќе поднесе и кривична пријава до надлежното ЈО за загрозување на здравјето на граѓаните

Интегрален текст од прес конференција на Дафина Стојаноска, член на ИК на ВМРО-ДПМНЕ  Почитувани,...

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....