Стоилковски: Филипче гради споменик на рекетот и корупцијата

Интегрален текст од изјава за медиуми на Наум Стоилковски, Портпарол на ВМРО-ДПМНЕ

Почитувани, Венко Филипче се уште е министер и се уште реди рекетарско коруптивни скандали. Тоа е незаменливиот министер на Зоран Заев и на актуелното рекетарското здружение на власт!

Им пречи таблата на Рашела Мизрахи, а не им пречи Касарната зад мене на Филипче.

Венко Филипче за две години има повеќе крими афери на број од болници и медицински установи во Македонија. Венко Филипче е споменуван во секој рекетарски скандал во Република Македонија.

Венко Филипче и милионите евра преку тендери го опустошија македонското здравство.

Венко добива огромна палата на скопско Водно, на атрактивна локација, изградена од добитник на 7 милиони евра тешки тендери во здравството доделени токму од Филипче.

Ако ова не е корупциски скандал јас не знам што е, ама Венко е незаменлив. Рекетарската Екипа не го дава.

Оваа Касарна на Филипче е резултат на крвавите тендери, набавки ќерка-татко, набавки на инсулини, палење на здрав инсулун, затворањето на детска кардиохирургија, рекетирањето на „Диамед“, криминалот со штипската болница за која сега се бара дополнителни 7 милиони евра.

Ете затоа е таа неказнивост и незаменливост на Филипче, за течење на криминалот и рекетот на Октоподот на Зоран Заев.

Зад мене тука на Водно, Венко Филипче гради споменик на рекетот и корупцијата, споменик на неказнивоста и октоподот на власт, споменик на мафијата која што си доби држава. Споменик на криминалот и корупцијата на хибридната власт којашто ја оценуваат меѓународните институции.

Ова е споменикот на Венко за Заев, за Спасовски, Мила, Рада, Кики и Фрики, сето рекетарско здружение, кое што ќе падне на 12 април  и ниеден донесен закон на сила нема да ги спаси.

Одговорност ќе има! Заев и СДСМ никогаш повеќе!

WordPress › Грешка

The site is experiencing technical difficulties.