Арсовски: Кацарска се јавувала кај Јанева за да врши влијание во истрагите, Судскиот совет да започне постапка за нејзино разрешување

Интегрален текст од прес конференција за медиуми на Димче Арсовски, Портпарол на ВМРО-ДПМНЕ

Почитувани,

Кацарска судството денеска е целосно разобличено.

Симнати се маските од Луј Витон правдата  и тоа не од сведок со сомнителна биографија туку од обвинител кој постапува по активни предмети.

Според тврдењето на сведокот Лиле Стефанова, обвинител во предметот Империја, судијата Добрила Кацарска директно се јавувала кај сега веќе обвинетата Катица Јанева за да влијае врз истрагите. Обвинителката Стефанова под полна морална и правна одговорност, денеска сведочеше дека Добрила Кацарска постојано била присутна додека се одлучувало околу барањето за притвор на еден од осомничените во предметот Империја и се интересирала за текот на постапката.

Ова е класична злоупотреба на овластувањата и мандатот кој што го има еден судија, односно Добрила Кацарска.

Почитувани, еве што изјавуваше во јавност Добрила Кацарска во врска со предметот Империја уште во март минатата година.

Внимавајте ова е изјава на Добрила Кацарска во телевизијата чии што сопственик е директно вмешан во случајот Рекет.

Значи, не само што ги злоупотребувала овластувањата и мандатот кој што го има, според ова што можевме да го видиме и слушнеме, уште во март 2019тата година Добрила Кацарска свесно лажела и ја манипулирала јавноста.

Согласно Законот за судски совет, членот 36, советот е надлежен да ја следи и оценува работата на судиите и да се грижи за угледот на судиите и довербата на граѓаните кон судството. Сведочењето на Лиле Стефанова е аргумент кој судскиот совет не смее да го изигнорира. Советот мора веднаш да отпочне постапка за разрешување на Добрила Кацарска и да се повика на овластувањата кои ги има во истиот член 36, да одлучува и за времено оддалечување на судија од вршење на судиска функција.

ВМРО ДПМНЕ го повикува Јавниот обвинител да не премолчува, да не  замижува и да се прави слеп пред сите овие случаеви и пред очигледните злоупотреби и да отвори и кривична постапка против судијата Добрила Кацарска за злоупотребите на службената положба и овластувањата кои што ги има како судија.

 

Поврзани вести

Стојаноска: Со серијата пропусти Филипче го загрозува здравјето на граѓаните, затоа ВМРО-ДПМНЕ ќе поднесе и кривична пријава до надлежното ЈО за загрозување на здравјето на граѓаните

Интегрален текст од прес конференција на Дафина Стојаноска, член на ИК на ВМРО-ДПМНЕ  Почитувани,...

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....