Данев до СДСМ: Должни сте да им се извините на граѓаните зошто им ветувавте чист воздух, а тоа не го исполнивте

На денешната собраниска седница пратеникот од ВМРО-ДПМНЕ, Драган Данев побара од пратениците на СДСМ да дадат поддршка за неговиот предлог да точката на дневен ред под реден број 54 која се однесува за информација за енормното загадување на амбиентниот воздух на Република Македонија, да се стави како втора точка и да се разгледа веднаш по точката за верификација на мандатот на новата пратеничка.

-Мислам дека проблемот е толку сериозен, толку актуелен што немате апсолутно ниту еден аргумент да оваа точка остане последна или претпоследна точка на оваа седница, туку едноставно да ја ставиме во приоритетите број 1 и на приоритетите и на оваа пленарна седница и во општествениот амбиент во кој што живееме, бидејќи загаденоста на воздухот и во Скопје и во Битола и во Тетово, еве сега најново и во Кавадарци и во останатите градови во Република Македонија, е на енормно високо ниво, рече пратеникот Данев.

Тој ги замоли пратениците од СДСМ ако се искрени во намерите, а така ветувааа пред граѓаните 2016 година, дека прво што ќе дојдат на власт ќе го исчистат воздухот во градовите во Република Македонија да го прифатат овој предлог.

Имено тој побара да се поразговара прво до кај се имплеметациите на заклучоците кои беа донесени минатата година, зошто истите не се исполнети, да се лоцира одговорноста со име и презиме кај институциите и кај луѓето кои истите ги раководат.

-Вие сте должни, еве во моментов е актуелно да одговорите на граѓаните или поточно да се извините зошто 2016 година пред парламентарните избори стававте медицински маски и ветувавте на граѓаните дека прво што ќе направите ќе се борите против аерозагадувањето, зошто тогаш штрајкувавте? Дали тогаш верувавте на оние мерни инструменти кои што се набавени по Али Експрес или сега им верувавте на истите мерни инструменти кога велите дека ти не се точни. Кога им верувавте?-праша пратеникот Данев.

Данев посочи дека и во едниот и во другиот случај се манипулира со чувствата и со интересите на граѓаните на Република Македонија.

-Но има и втора шанса, еве охрабрете се да ја ставиме оваа точка како втора точка на оваа пленарна седница, да дискутираме и да размениме аргументи во интерес на граѓаните. Ги повикувам особено членовите на Комисија за транспорт и врски, кои што ветија дека не бегаат од дебата и тоа дебата веднаш и сега, да си останете на зборот и да гласате така како што ветивте пред граѓаните на Република Македонија, додаде пратеникот.

Поврзани вести

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...