Димовски до Спасовски: Функцијата технички премиер не е за честитање, ви честитам што ви се отвара патот за претседател на СДСМ

„Господине Спасовски, функцијата технички премиер не е за честитање, но друго е за честитање, бидејќи откако ќе ги изгубите изборите, ќе ви се отвари патот за претседател на СДСМ“. Ова на денешната собраниска седница за избор на влада на техничкиот премиер Оливер Спасовски му го порача пратеникот Илија Димовски.

-Како дојдовте, така ќе си одите. Дојдовте со техничка влада, со техничка влада и ќе си одите, рече Димовски.

Тој ги критикуваше и реформите со кои претходно се пофали Спасовски.

-ОТА ви е тотално нефункционална, а АНБ ја претворивте во партиско дувло, рече Димовски.

Тој продолжи со критиките за досегашната работа на Владата.

-Широка распространета дрога, нерешени убиства, избегани убијци, нарачани судски постапки директно од министри во владата, уцени на политички неистомисленици, разрешени 7 главни уредници на значајни медиуми… За рекетирање на бизнисмени не ни сакам да зборувам, за тоа јавноста многу знае а и допрва ќе зборувам, рече Димовски.

Тој рече дека ќе им честита само на двајцата министри предложени од ВМРО-ДПМНЕ, кои според своите биографии можеле да се носат  „барабар“со целата влада.

-Господине Спасовски, гледам љубите реплики од филмови, па ќе ве упатам да погледнете еден српски филм, „Сенки над Балканот“. Такво е вашето владеење, заврши Димовски.

Поврзани вести

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...