Пешевска: СДСМ го зголеми трикратно јавниот долг за непродуктивни трошоци

На денешната собраниска седница пратеничката од ВМРО-ДПМНЕ, Жаклина Пешевска рече дека дефинитивно е време СДСМ да ги тргне розевите наочари, да се соочи со реалноста бидејќи реалноста е далеку од она што тие го зборуваат затоа што животот во државата не е ни приближно до идеален.

Имено таа потсети на говорот на министерката Ангеловска каде вели дека со буџетот за 2020 се вложува во човечкиот потенцијал. Пешевска за ова рече дека со кратењето во скоро сите области, односно во областа на образованието, дефинитивно не се вложува во човечкиот капитал и потенцијал на тој начин.

Пешевска во своето обраќање зборуваше и за јавниот долг при што го рече следново:

-Го спомнавте јавниот долг, кој помина 5 милијарди евра откако СДСМ владее во државата. За споредба во 2008 година тој изнесуваше 1,5 милијарда евра, што значи дека имаме трикратно зголемување на јавниот долг. Јавниот долг се зголемува за непродуктивни трошоци. Нема изградба на болници, училишта, фабрики, хидроцентрали.

Таа порача дека за жал овој јавен долг ќе го враќаат граѓаните и идните генерации, и дека оваа година Република Македонија ќе даде 110 милиони евра како камата на долгот, а со тие пари ќе можеше да се изгради еден солиден клинички центар, не како оној на СДСМ што чини пола милијарда евра.

-СДСМ зборува за креирање на работни места, искреиравте и измисливте работни места каде може и каде не може, каде треба и каде не треба, затоа што ја направивте јавната администрација за жал поголема од армијата на Република Македонија. Наместо да зборувате за бројот на вработени во итната медицинска помош, вие зголемувате вработени на местата на економски директори на клиниките, истакна пратеничката.

Пешевска додаде дека за среќа во државата ќе има избори и тие избори се да ја вратат СДСМ во реалноста, да се соочат со проблемите на граѓаните, затоа што состојбата во држвата ни од далеку не е идеална и го додаде следното:

– Ако беше идеaлна состојбата во држвата немаше ни претседателот Пендаровски да каже доколку не би бил претседател би ја напуштил државата, тоа говори за се каков е овој живот во државата.Рековте 43 градинки се изградени, каде тоа се изградени? Спомнавте младинска гаранција, јас би ве запрашала колку тоа млади се имаат вработено со младинската гаранција?

Поврзани вести

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...