Oмаловажувањето на граѓаните со лажните вести не поминува

Интегрален текст од изјава за медиуми на Наум Стоилковски – Портпарол на ВМРО-ДПМНЕ

Почитувани,

Ова зад мене е центарот за креирање на лагите со кои Македонија е доведена до амбис. Ова е центарот од каде се колнеа во националните интереси, се колнеа во 500 евра, се колнеа во чист воздух. Веројатно се колнеле и за 300 пилоти.

Ова е центарот каде се брише „Едно евро за Вицето“, се брише „На Мирчо Бишкарникот“, се направи обид да се сокрие Рекет и се туркаше Катица Јанева да продолжи со бизнисот како главен Републички Обвинител! И ве убедуваа дека тоа не е така!

Почитувани,

Соочени со избори, соочени со гневот на граѓаните, бесрамно пласираат лажни вести и вршат притисок врз медиумите за да им ја одиграат гнасната политичка манипулација со јавноста. Смислија тело за пласирање на лажни вести и стратегија за бришење на вистината! И сега треба да веруваме дека Катица е самохрана мајка, и дека не е дома по нарачка на  Заев кој го отвори судството како пупка!?

Почитувани, омаловажувањето на граѓаните со лажните вести не им поминува. Не поминува обидот за дискредитација кон ВМРО-ДПМНЕ. Оттука го повикувам Зоран Заев јасно и недвосмислено да каже дали се согласува со Резолуцијата со која од него се бара откажување од македонскиот јазик, од македонското малцинство и од Гоце Делчев, произлезена како последица на Договорот?

Македонскиот народ, граѓаните на Македонија, ВМРО-ДПМНЕ, никогаш, ама никогаш нема да биде прифатливо негирањето на посебноста на македонскиот јазик, како и откажувањето од ликот и делото на Гоце Делчев.

Сето она кое што значи добро и за граѓаните на Македонија и за граѓаните на Бугарија, во никој случај не е прифаќање и одобрување на штетните политики и дипломатија на штета на националните интереси кои што ги води власта во заминување.

Поврзани вести

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...