Невообичаената практика е директорите од центрите за социјална работа да вршат непосреден увид во домовите на корисниците на социјална заштита

Интегрален текст од изјава за медиуми на Бранкица Димитровска

Почитувани граѓани,

До ВМРО-ДПМНЕ изминатава недела се обратија граѓани од повеќе градови во Републиката, кои забележале дека директорите на центрите за социјална работа, во придружба на нововработени лица, оствариле посети во домовите на корисниците на права и услуги од доменот на социјалната заштита, што се во надлежност на центрите за социјална работа.

Она што е чудно и што ги збунува корисниците, а истовремено отвара простор за алармирање од страна на ВМРО -ДПМНЕ, е невообичаената практика на овој план, директорите од центрите за социјална работа да вршат непосреден увид во домовите на корисниците, заедно со вработени кои не се ниту надлежни, ниту пак работат на предмети на кои било дискутирано за време на средбите со корисниците. Ваквото однесување на директорите и вработените во центрите за социјална работа, отвара простор за силен сомнеж, пред сè кај корисниците на правата на услугите, зашто очевидно некој се обидел да ја потцени нивната интелигенција, манипулирајќи со прашањата кои се и повеќе од чувствителни за нив, и тоа во непосреден предизборен период.

Бидејќи оваа појава е забележана масовно во периодот од 04.11.2019 година, речиси во сите општини, во кои директорите на центрите за социјална работа се кадри на СДСМ, се обраќаме најпрво до министерката Мила Царовска, доколку не е информирана, еве ја информираме, веднаш да ја стопира ваквата злоупотреба на највиталните институции за социјална заштита, кои очевидно управувани од еден центар СДСМ се ставиле во функција на партиски предизборни цели, што директно подлежи на кривично гонење. А, доколку  ова е  диригирано од неа, тогаш: ,,Министерке, доста веќе си поигрувате со маката и сиромаштијата на луѓето! Веќе станува непристојно!”

Истовремено да им се обратиме и на директорите на центрите за социјална работа, да знаат дека веднаш по поставувањето на техничкиот министер за труд и социјална политика од редовите на најголемата опозициска партија, нивната работа ќе биде директно испитана и секоја откриена злоупотреба на функцијата во партиски цели ќе биде санкционирана, согласно законските одредби.

Инаку, самите корисници кои сте ги посетиле, ви порачуваат дека доволно претргале, за да ви поверуваат дека ќе ги ,,збогатите” со 1000 денари, дадени со себична пресметливост, по принципот ,,од еден џеб во друг”.

Ним ништо не им значат, ниту ќе им го подобрат стандардот на живот, 1000 денари во делот на детскиот додаток, кога им скратувате на пример на субвенциите за електрична енергија, кои наместо секој месец, сега им ги исплаќате секој шести месец. Не им ја потценувајте бистрината на овие луѓе, нема да ви го дадат гласот, тие добро веќе препознале што е искрена социјална грижа, а што лицемерие!

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...