Ласовска: Ако ја покачиме минималната плата, да не ни се случи домино ефект на затварање на одредени конфекции

Ние ќе го поддржиме овој став за минималната плата и ќе го гласаме ова предлог законско решение, но сакам да укажам 2 до 3 дилеми кои ги имаме ние поврзани со овој закон. Едната дилема е периодот кој се носи, долгорочноста на ова законско решение базирано  не само на наши  проценки туку и на релевантни институции со кои го реализираме ова законско решение и целокупната економска состојба во државата, и самата процедура, истакна на денешната собраниска седница , Благица Ласовска, пратеник од ВМРО-ДПМНЕ.

Таа укажа дека не се согласува дека законот за покачување на минималната плата е од сложен и обемен карактер и за него требало да има дебата во Собранието.

-Но, дали овој закон ќе може да се имплементира и дали овие 14 500 денари им се доволни на работниците коишто работат секако дека не им се. Велите дека сте имале трипартитен договор, но од индустријата не велат така и наше стравување е да не се затворат одредени конфекции како што има случај со некои конфекции, праша пратеничката Ласовска.

Имено таа во своето обраќање ги кажа и извештаите од Светска Банка и од Монетарни фонд, а тоа се:

-Светска банка во својот извештај пред 1 месец посочува дека континуираниот пораст на платите во трудоинтензивните индустрии  придружен од падот на продуктивноста ја загрозува конкуретноста на економијата   бидејќи се зголемуваат трошоците за единица производ.

-Монетарниот фонд пак во извештајот од минатата година вели дека минималната бруто плата во земјата порасна многу повеќе во споредба со просечната бруто плата  и продуктивноста.

Ласовска додаде дека ова се сериозни пораки од релевантни финансиски светски институции кои ние како држава, а СДСМ како власт треба да ги слушне.

– Да не ни се случи да ја качиме минималната плата, но да не ни се случи некој домино ефект на затварање на одредени конфекции особено во делот на Источна Македонија, порача Ласовска.

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...