Стоилковски: Лагите на СДСМ дека ќе го реши проблемот со загадувањето на воздухот сега го плаќаме со здравјето

Интегрален текст од прес конференција за медиуми на Наум Стоилковски, Портпарол на ВМРО-ДПМНЕ

Почитувани,

Грејната сезона не започнала со сета силина, а Македонија веќе се гуши во смог. Скопје, Тетово, Куманово, Струмица, нема град, нема регион во Македонија кој што го нема овој проблем. Денеска најзагадено е Скопје, вчера беше Тетово, пред тоа, Куманово. Струмица се давеше додека Заев синоќа се пењавеше дека е на пат до „живот“!

Почитувани,

Лагите на оваа власт ги плаќаме со здравјето. Ветувањата беа дека Македонија ќе преземе чекори против загадувачите и мерки за подобрување на квалитетот на амбиенталниот воздух. На чекор сме до избори, мандатот им мина во лаги и уништување на еко-протестите на кои токму власта се појавуваше со гас маски!

Почитувани,

Заев ветуваше гасификација, по теркот на Струмица и Куманово, а и годинава тие два града предничат во загаденост. Заев ветуваше здравје, а државните болници се најголемите загадувачи во Куманово и Струмица. Минатата грејна сезона Венко Филипче вети гасификација на најголемиот загадувач во Куманово, болницата, но и на болницата во Струмица и на гинекологија во Чаир, но тие и годинава наместо да лечат, дават преку оџаците бидејќи се на мазут.

ВМРО-ДПМНЕ во екот на еколошкиот аларм лани предочи сет од 20тина мерки меѓу кои и онаа за гасификација на болницата во Куманово, на која и се потребни околу 200.000 евра од државниот буџет.

За жал ништо од тоа не е прифатено и преземено. Наместо гасификација на загадувачите, сега власта преку министерството за економија влегува во предизборен популизам со распределба на 250.000 евра за субвенционирање на неполни 900 плински уреди за автомобили. Според статистиката за регистрирани возила во 2018 година во Македонија има над 415.000 патнички автомобили, од нив 150.000 се во Скопје. Ваквата мерка на министерството за економија и на власта, за жал, нема да го реши проблемот, а ефектот ќе биде минорен. За истите пари, може да се реши проблемот за кумановската болница и со тоа да се реши најголемиот загадувач во општината со над 100.000 жители.

Почитувани,

Ниту знаат, ниту сакаат да знаат како да се решат проблемите. Единствено се грижат за опстанок на власт на изборите во април. Наместо на вистински мерки и грижа за граѓаните, посветени се на популизам.

Времето за Обнова на Македонија е блиску, за жал по уште една смртоносна грејна сезона со СДСМ на власт.

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...