Ѓорчев се сретна со претседателот на „Конрад Аденауер” и пратеници на ЦДУ од германскиот Бундестаг

Пратеникот и меѓународен секретар на ВМРО-ДПМНЕ Влатко Ѓорчев се сретна со Норберт Ламерт, претседател на фондацијата Конрад Аденауер (КАС) блиска до владејачката ЦДУ.

Ѓорчев истакна:  „Се заблагодарив за одличната соработка на ЦДУ и КАС со ВМРО-ДПМНЕ изминативе 20 години.  Работиме на заеднички проекти и во наредниот период ќе ја интензивираме соработката”.

Ѓорчев додаде:  „ЕУ е нашата заедничка агенда и заедно сме дел од семејство на сестринските ЕПП партии. Македонија и Германија имаат одлични билатерални односи. Ќе продолжиме да ги развиваме и продлабочуваме”.

Ламерт беше претседател на германскиот Бундестаг 12 години, парламентарец од 1980 до 2017 година, вкупно 37 години, како и министер во повеќе влади на канцеларот Хелмут Кол.

Воедно, Ѓорчев упати благодарност до фондацијата Конрад Аденауер за поканата и можноста да учествува на Форумот за слобода на вероисповеста и верувањето во Сингапур.  Ова е важна тема, која е меѓу приоритетите за КАС и ЦДУ.

Ѓорчев се сретна со пратениците од ЦДУ Фолкер Каудер, Хериберт Хирте и Маркус Грубел од германскиот Бундестаг.

Ѓорчев ја нагласи извонредната соработка на ВМРО-ДПМНЕ со ЦДУ и Фондацијата Конрад Аденауер (КАС).

Ги информираше соговорниците за актуелните состојби во Македонија и за зголемената поддршка за ВМРО-ДПМНЕ во пресрет на изборите на 12-ти април.

Воедно, Ѓорчев ги покани германските пратеници да ја посетат Македонија.

Ѓорчев нагласи: „Високо ја цениме одличната работа на канцеларијата на КАС во Скопје и нивната работа во Македонија предводена од Јоханес Реј и неговиот тим. Ќе продолжиме со заедничките проекти”.

Инаку, Фолкер Каудер беше шеф на пратеничката група на CDU/CSU-Bundestagsfraktion 2005 – 2018, како и поранешен генерален секретар на ЦДУ, а пратеник е во германскиот Бундестаг од 1990 година до денес, веќе 29 години.

На крајот, Ѓорчев подвлече дека Македонија и Германија имаат одлични билатерални односи, исто како ВМРО-ДПМНЕ и ЦДУ.

.

Со почит,
Центар за комуникации на ВМРО-ДПМНE

Поврзани вести

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...