Трпуновски: ВМРО-ДПМНЕ го поддржува земјоделскиот протест закажан за 26 октомври пред Владата на Република Македонија во 13 часот, само со силно земјоделство ќе имаме силна држава

Интегрален текст од прес конференција за медиуми на Цветан Трипуновски – член на ИК на ВМРО-ДПМНЕ

Почитувани,

Земјоделците во Македонија под власта на Заев го живеат својот најлош период.

Земјоделството во Македонија никогаш не било во полоша ситуација отколку денес, во време на Зоран Заев.

Алармантна е состојбата. Земјоделците се измамени.

Зоран Заев е директно одговорен за градинарите кои го истураат своето производство во каналите, овоштарите кои ги сечеа овошните дрвја, а родот го фрлаа на буниште, оризарите,млекарите,сточарите,лозарите, сите земјоделци  ги осетија на своја кожа погубните политики на владата на СДСМ предводена од Зоран Заев.

Жална и мачна е сликата за земјоделието во Македонија. Жална е судбината на земјоделецот во период додека Зоран Заев е на власт.

Заев ветуваше сигурен откуп и високи откупни цени. Зголемени субвенции, гарантни фондови,и зелена нафта за сите. Осовременување на механизацијата и инвестиции во водостопанството. Три години откако е на власт откупот е слаб, а откупните цени ниски. Субвенциите не само што не се зголемени туку и не се исплатени, а квази проектот зелена нафта е замачкување очи со картичка од 500 денари за само 50 тина илјади земјоделци, а во државата има над 100 илјади регистрирани. Механизацијата е застарена, а инвестиции во водостопанството не само што нема, туку нема ни плати за вработените во тоа претпријатие.

Почитувани,

ВМРО-ДПМНЕ е со земјоделците во овие тешки времиња. Го разбира нивното незадоволство, кога владата нема разум тогаш протестот е единственото решение.

ВМРО-ДПМНЕ застанува рамо до рамо со земјоделците и му дава поддршка на земјоделскиот протест кој што е закажан за во сабота на 26 октомври 2019 пред владата на Република Македонија во 13 часот.

Нема да ги оставиме земјоделците сами. Ние сме со нив.

Мора да се врати почитта кон земјоделецот.

Мора маката да биде платена. Пролиената пот да не биде залудна. Тоа им го должи секоја влада.

Овде нема простор политика, овде се работи за жива егзистенција на илјадници напатени земјоделци.

Земјоделието не смее да стане изумрена дејност. Во век кога храната и водата ќе бидат поскапи од нафтата, кога големите сили се борат за парче обработлива земја повеќе Зоран Заев си поигрува со земјоделците.

ВМРО-ДПМНЕ ќе го смени пристапот кон земјоделците. Доаѓа време за обнова на Македонија. Само со силно земјоделство ќе имаме силна држава.

WordPress › Грешка

The site is experiencing technical difficulties.