Коалицијата која ќе победи на следните избори се вика „За обнова на Македонија“, продолжуваме да разговараме и со други партии

Интегрален текст од изјава за медиуми на Христијан Мицкоски, Претседател на ВМРО-ДПМНЕ

Почитувани,

Најпрвин да ја поздравиме македонската јавност, да ве поздравиме вас еве што бевте трпеливи.

Тешки времиња се за жал денеска за сите граѓани во Република Македонија, после сето она што се случува еве веќе трета година по ред. Но добро е што вчера конечно утврдивме дата кога ќе можат граѓаните практично да кажат и да одговорат на суштинското прашање дали навистина овие речиси три години блескаме или пак она што го зборувавме ние како опозиција дека тешко се живее, дека владее криминалот, дека практично арамилукот станува дел од нашето секојдневие е реалноста во нашата држава.

Денеска имаме состанок на Коалицијата, заедно со коалиционите партнери да ги информирам за она што се случуваше на последната лидерска средба која што ја имавме кај претседателот Пендаровски, за темите на кои што дискутиравме, за претстојните предвремени парламентарни избори. Но истовремено на предлог кој што беше од сите еднострано прифатен поради сериозноста на времињата, поради како што кажав на почетокот на оваа денешна изјава тешката реалност во која што живеат македонските граѓани, предложив на коалиционите партнери, Коалицијата „За подобра Македонија“ да се преименува во Коалиција „За обнова на Македонија“ и едногласно беше прифатено од страна на останатите партии, кои што се дел веќе на поранешната Коалиција „За подобра Македонија“, а од денеска ќе бидат дел на Коалицијата „За обнова на Македонија“.

На Македонија и е потребна обнова после, овој арамилук кој што се случува веќе трета година по ред.  Ветуваме многу работа, ветуваме расчистување со сите оние криминалии кои што се провлекуваа во минатото, расчистување со сиот оној арамилук кој што годините наназад го следат македонското општество, ги следат граѓаните на Македонија. Ветуваме реформи во многу сегменти и меѓу кои враќање на владеење на правото, бескомпромисна борба против криминалот и корупцијата, нула толеранција за криминалот и корупцијата. А, потоа како секундарен и терцијален приоритет економски бум и она што го зборувавме Македонија технолошки тигар на Балканот.

Тоа ќе бидат практично столбовите на кои што ќе се темели новата предизборна кампања на веќе новата Коалиција „За обнова на Македонија“.

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...