Мицкоски од Ресен: Тука најголеми проблеми се откупот на јаболката и иселувањето на младите, владата нема решенија

Претседателот на ВМРО-ДПМНЕ, Христијан Мицкоски за вестите на Алфа Телевизија изјави дека најголеми проблеми во Ресен се откупот на јаболка и иселувањето на младите, а владата иако претходно им даде големи очекувања, сега нема решенија за проблемите на ресенчани.

Во Ресен, она што го очекувавме тоа и го видовме. Најголем проблем претставува откупот и пласманот на јаболкото, бидејќи знаете во Ресен изминативе години тоа претставува голем и суштински проблем, се разбира доцнењето на субвенциите, ветените а неисполнети очекувања кои што ги даваше Зоран Заев најпрвин во предизборието 2016, а потоа откако ја формираа владата, како и доцнењето на исплатата на штетите од природните непогоди, истакна Мицкоски.

Тој потенцираше дека вториот најголем проблем кој ги тишти ресенчани е иселувањето на младите како и во цела Македонија, но и тешкиот живот и беспарицата, но и многу други специфични проблеми за кои што ВМРО-ДПМНЕ ќе се обиде да изнајде решенија и договори за да може секој еден граѓанин кој ја споделил својата мака да добие одговор но и решение доколку постои такво, а доколку не, да добие одговор зошто нема такво решение.

Доколку не можеме да понудиме решение ќе понудиме одговор зошто не можеме да понудиме решение. Сакам еднаш да понудиме поинаков пристап, а тоа е пристапот на честитост , чесност и отчетност, а не лаги кога се бара гласот пред избори, а потоа никаде да не нема, да седнеме во дебелите кожни фотелји и да ги газиме црвените персиски килими и да го заборавиме она што сме го ветиле. ВМРО-ДПМНЕ е народна партија и е меѓу граѓаните и со оваа наша турнеја низ Македонија тоа го кажуваме и докажуваме.

Поврзани вести

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...