2019 година е црна година на патиштата во Македонија, безбедноста на патиштата наместо да се подобрува, таа се влошува

Интегрален текст од изјава за медиуми на Орце Ѓорѓиевски – член на ИК на ВМРО-ДПМНЕ

Почитувани,

2019 година е црна година на патиштата во Македонија. Безбедноста на патиштата наместо да се подобрува, се влошува. Оливер Спасовски за три години колку што е министер нема направено ништо во насока на зголемување на безбедноста на патиштата.

Според официјални статистики бројот на загинати лица на патиштата во период јануари – јуни во 2019 година е за 20% поголем од бројот на загинати во истиот период од 2018 година, а за 35% поголем од бројот на загинати во 2017 година. Ова е повеќе од алармантно. Владата и МВР  на Оливер Спасовски се директно одговорни за зголемената смртност, бидејќи не е преземена ниту една мерка за заштита.

Тоа се последиците на дилетантизмот, непотизмот и корумпираноста на оваа власт. Тоа се последиците од доделувањето на лиценци за испитни центри по партиска, а не по професионална основа.

Според неофицијалните статистички податоци од 2017 година, Македонија беше во топ 5 земји кои имаат најголем прогрес, односно најголемо намалување на бројот на жртви во сообраќајни незгоди. Според бројките кои ги имаме оваа година ние како земја сме некаде на дното заедно со неразвиените земји кои воопшто не инвестираат во сообраќајна инфраструктура.

Нема ниту превенција, ниту инвестиции во инфраструктура која би допринела за безбедноста. репресијата се сведува само на пишување на прекршочни пријави на граѓани кои во телефонот го немаат бројот на Оливер Спасовски или некој од функционерите на СДСМ. Институциите не ги вршат своите законски надлежности за подигнување на безбедноста на патиштата, а со тоа и заштитата на нашите граѓани.

За Заев и за Спасовски доволна причина за подигнување на безбедноста при сообраќајот не беше ни сообраќајната незгода кај Ласкарци, во која за жал загинаа 16 лица, а десетици беа повредени. Заев и Спасовски најавуваа измена и заострена регулатива во делот на станиците за технички прегледи, но само си доделија нови лиценци на блиските свои соработници.

Не само што не се имплементираа нови стандарди, туку во МВР не е ни во функција системот КАДАС, а тоа е систем за следење на сообраќајни незгоди, кој функционира во сите земји членки на ЕУ. Не е имплементиран ниту системот за побрз одговор при сообраќајни незгоди.

Што прави министерството на Спасовски, што прави Советот за безбедност и Координативното тело за подигнување на безбедноста на патиштата на Владата, зошто не си ја вршат работата за која се платени од парите на граѓаните!?

Почитувани,

Заев и Спасовски, време е да си заминете. Со животите на граѓаните нема играње. Предвремени парламентарни избори се неопходни во Република Македонија час поскоро.

Поврзани вести

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...