На предвремени парламeнтарни избори Заев ќе се соочи со оризопроизводителите кои што ги лажеше во 2016 и 2017

Интегрален текст од изјава за медиуми на Христијан Мицкоски, Претседател на ВМРО-ДПМНЕ

Почитувани,

Денеска сме овде во Кочани, разговаравме со земјоделците, со оризопроизводителите. Состојбата во Кочани и кочанско во делот на производството на оризот е навистина алармантна и јас би рекол повеќе катаклизмична споредена со она што беше во минатото.

Луѓето се навистина резигнирани и разочарани од реалноста, од условите, од она што денеска како оризопроизводители мораат да го истрпат. И со сите оние проблеми со кои што се соочуваат, изневерените очекувања, злоупотребата на нивната доверба за време на изборните циклуси во минатото посебно за време на предвремените парламентарни избори во 2016-тата. Потоа за време на локалните избори во 2017-тата кога се ветувани многу работи за оризопроизводителите, а во суштина до ден денеска ништо не е исполнето.

Тука ги потенцираа проблемите околу загарантираната цена која што е за 30-тина проценти помала од онаа која што во тоа време била ветувана од страна на Зоран Заев само за глас, а потоа за пусти пари, пусти привилегии како премиер на државата. Потоа тука исто како проблем би го истакнал и делот на онаа дополнителна стимулација од 5 денари која што им беше ветена за минатогодишната реколта, а која што до ден денеска се уште не е исплатена. Потоа проблемите со системот за наводнување кои што како сега што биле изразени, никогаш во минатото не биле изразени, семенскиот материјал, пестицидите практично една траорна катаклизмична ситуација имаме денеска помеѓу оризопроизводителите овдека во Кочани и кочанско.

ВМРО-ДПМНЕ апсолутно слушна од граѓаните и научи од граѓаните, а тоа е делот од акцијата на ВМРО-ДПМНЕ во периодот кој што следи. Ги гледаме и ги слушаме реалните проблеми на граѓаните сето она  што како решение го имаме предвидено ќе биде споредено со она што го слушаме како навигација од терен а е дел од проблемите на граѓаните, ќе биде дел од нашата програма која што ќе ја прошируваме се разбира со тие решенија.

ВМРО-ДПМНЕ во минатото секогаш било и ќе остане верен пријател на земјоделците во Република Македонија. Предвидуваме навистина одлични проекти, предвидуваме навистина одлична понуда во нашата предизборна програма.

Да почекаме времето да помине да конечно се охрабрат од владата да се охрабри Зоран Заев да се соочи со овие луѓе кои што ги лажеше во 2016 и 2017 година, да распише предвремени парламентарни избори па да дознае дали блескаме или ќе го блесне него еден огромен пораз на следните предвремени парламентарни избори.

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...