Честитка по повод празникот 2-ри август – Илинден

Почитувани,

ВМРО-ДПМНЕ на сите граѓани на Република Македонија им го честита, најсветиот ден во македонската историја, големиот државен празник Илинден.

На овој голем ден се присетуваме на најголемите македонски херои и револуционерни дејци кои своите животи ги положиле за создавање на независна и суверена Република Македонија.

Денеска го чествуваме Денот на Републиката, ден кога во 1903 се кренало големото Илинденско востание, но и првото заседание на АСНОМ од 1944-та година каде се удрени темелите на модерната македонска држава. Илинден е државен празник кој го потврдува континуитетот на вековната македонска борба за независна држава.

Овој голем празник е врежан во срцата на секој Македонец, но и во срцата на сите граѓани на Република Македонија.

Денеска го славиме непокорот и победата, денеска им оддаваме почит на сите оние мажи и жени кои го кренаа својот глас против неправдата, ги славиме оние луѓе на кои љубовта кон татковината и слободата им беше поважна од нивните животи. Да се присетиме на Гоце Делчев, на Даме Груев, на Питу Гули на Јане Сандански на сите оние кои своите животи ги положија за Македонија. Да се сетиме и на оние кои беа дел од Народно ослободителната и антифашистичка борба, оние кои ја продолжија борбата на Илиденците.

Се додека гори овој најсветол пламен, ќе живее сонот за Македонија.

Вечна слава на борците, нека ни е вечна татковината, Република Македонија.

 

Со почит,

Центар за комуникации на ВМРО-ДПМНЕ

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...