Мицкоски: Власта покрива големи скандали, а Обвинителството се пресметува со невини луѓе- ова е заробена држава

По денешното приведување на повеќе лица меѓу кои и Димитар Димовски член на Извршниот комитет на ВМРО ДПМНЕ и Дејан Митревски, претседател на општински комитет на оваа партија во Аеродром, се огласи и лидерот на ВМРО-ДПМНЕ Христијан Мицкоски.

Заедничко за Димо и Деки е што се од мали нозе во ВМРО-ДПМНЕ. Иако во различно време, практично секој во својата генерација израснаа во партијата. Денес деспотот удри и по нив, рано изутринава инструираното обвинителство спроведе уште уште еден нарачан атак. Поводот секако детално образложен, иако со многу дупки, нејаснотии и нелогичности, ама вистинската причина ја знаат и малите деца. Димитар Димовски зборуваше за криминалот на деспотот, а Дејан Митевски зададе пораз на власта уште во првиот круг од претседателските избори, а победата ја потврди и во вториот круг. Секако тука и мотивот на власта да покријат уште поголеми скандали, но за тоа во наредниот период. Обвинителството никаде го нема кога ќе треба да одлучи за градоначалникот насилник, за вицепремиерот за кого советник од власта посочи дека е криминоген, за тендерите во здравството, за бизнисите на братот на деспотот, но затоа обвинителството се пресметува со невини луѓе. Ова е вистинската заробена држава, дури и повеќе од тоа, пишува Мицкоски на Фејсбук и додава:

„Но знам дека Димитар, Дејан, Миле и сите други, кои ги знам и не ги познавам, а денес се најдоа на мета на разузданата власт ќе издржат, но и ќе победат заедно со нас. Ние веруваме во ВМРО, а ВМРО е кауза, а каузата е нашата Македонија. И нема да не скршат, затоа што ние ќе одиме до крај, се до конечен пораз на Деспотот кој е на колена и кој во очај крева рака за да ја замолчи опозицијата и се до заедничка победа за Македонија. Тоа им го должам на браќата и сестрите кои страдаат поради прогонот, на Димитар, Дејан и другите прогонети, на оние вработени во институциите кои треперат за своите работни места, на луѓето кои во сиромаштијата и бедата наоѓаат надеж во нас, на моите деца и сите идни генерации. Тоа и го должам на мојата татковина. И по таа победа на народот оние кои сега мислат дека се најсилни, ќе останат најслаби. Го имате мојот збор“.

И сосема на крај, потенцира лидерот на ВМРО-ДПМНЕ, ги разбирам и слушам сите гласни извици на револт и целосно ја разбирам нивната емотивна реакција, дури и мојата лична емоција е голема, огромна, но на стотиците илјади наши сограѓани им должам победа во исцрпувачки маратон, а не брз спринтерски пораз.

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...
<