Дали зад одржувањето на фонтаните се крие уште една матна зделка на градот Скопје и ЈП Водовод?

Интегрален текст од изјава за медиуми на Сергеј Попов, член на ИК на УМС на ВМРО-ДПМНЕ

Почитувани,

И на пеколно топло време дел од фонтаните не работат и не се одржуваат поради неспособноста на градот Скопје и ЈП Водовод да стопанисува со нив.

Згора на тоа се чини дека зад одржувањето на фонтаните се крие и вносен бизнис.

Имено ЈП Водовод и градот Скопје тврдеа дека мистериозно е украдена опрема за фонтаните во износ од 60 илјади евра, за да сега да распишат тендер за одржување на фонтаните од над половина милион евра. Поточно 580 илјади евра вреди договорот кој ЈП Водовод го склучи со фирмата Хидротек. За 7 фонтани ќе се потрошат 580 илјади евра, со посебна ставка во договорот за набавка на потребни резервни делови и опрема, што отвора сомнеж дека замената на украдената опрема е многу повеќе од 60 илјади евра.

Досега немаше одговорност за тоа што пред очите на градот Скопје мистериозно снема опрема вредна неколку десетици илјади евра.

Оттука се поставуваат прашањата:

Дали зад одржувањето на фонтаните се крие уште една матна зделка на градот Скопје и ЈП Водовод?

Зошто градот Скопје драстично ја укина чуварската служба од претходно, и дали зад украдената опрема за фонтаните се крие можност за уште една вносна заработка на некои фирми?

Ако од ЈП Водовод за адвокатски услуги заработуваше илјадници евра советникот на премиерот Зечевиќ, дали со новата зделка од половина милион евра се крие вносна заработка за некој советник на Заев близок до СДСМ?

Колкава е точно сумата за украдената опрема и кој ќе понесе одговорност за ова?

Поврзани вести

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...