Јанушев: Нема датум за преговори со Брисел зошто Македонија ја има најнеспособната Влада

Капитулантскиот Договор од Преспа и промената на името, ВМРО-ДПМНЕ рече дека нема да донесат датум за преговори со ЕУ, за тоа треба реформи и работа. Но тоа не се случи зошто ја имаме најнеспособната влада, рече Игор Јанушев, генерален секретар на ВМРО-ДПМНЕ на гостувањето на 1тв. Јанушев ова го кажа говорејќи за одлуката на министрите за надворешни работи на ЕУ дека за тоа дали ќе има датум за почеток на преговори за Македонија со Европската унија ќе се говори на есен.

-И лидерот Киријакос Мицотакис кој веројатно ќе добие на изборите во Грција рече дека една од работите е отворање на Договорот од Преспа и ако има такво нешто ќе седнеме на иста маса, зошто и Христијан Мицкоски ќе ја формира новата влада во Македонија, рече Јанушев.

Генералниот секретар укажа дека за ВМРО-ДПМНЕ секогаш приоритет било членство на Македонија во НАТО и ЕУ.

-Тоа е програмска определба на ВМРО-ДПМНЕ, тоа е дел од стратегијата на партијата уште од деведесеттите, рече Јанушев.

Според него факт е дека Владата не спроведува реформи.

-Позитивен момент во реформите има само во делот во кој учествуваше ВМРО-ДПМНЕ. Тоа е така зошто сме решени да бидеме дел од реформскиот процес, и претседателот Мицкоски кажа дека има подготвеност да се помогне на тој пат. Но, и по десеттина дена нема никаква реакција од Владата и од СДСМ, рече Јанушев потенцирајќи „ракавицата е фрлена, нема реакција од Заев и СДСМ, на нив е сега да се изјаснат“.

Поврзани вести

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...