Две години СДСМ нема ништо сработенo, па поради тоа смислуваат лаги за да ја манипулираат македонската јавност

Соопштение до јавноста – реакција на прес конференцијата на Костадин Костадинов

Пресовите на СДСМ стануваат се повеќе очајни.

Две години на власт откако се, немаат ништо сработено, па поради тоа смислуваат лаги за да ја манипулираат македонската јавност.

Се фалат со големи мерки кои ја намалиле невработеноста во државата, но единствена мерка за овие две години е забрзаното иселување на младите.

Промовираат младинска картичка која навидум ќе помогне на младите, а која како реална придобивка нуди минимални попусти во скапи локали.

СДСМ досега требаше да сфати дека на младите луѓе не им се потребни картички со попусти туку нормални услови за работа како нивните врсници од развиениот свет.

За две години сиромаштијата се искачи на 500.000 граѓани кои секој ден мака мачат за да преживеат. Невработеноста во Македонија е највисока во регионот, а не најмала.

Привидот дека имаме раст од 4,1% во првиот квартал од 2019 година е резултат на фактот што лани во истиот квартал стапката на раст беше исклучително ниска – 0,9%. Стапката на економски раст за секој квартал се мери споредбено со истиот квартал од претходната година.

За овие две години капитални инвестиции нема воопшто, тоа и граѓаните го забележуваат. Заев и неговата криминална банда не изградија нови градинки, нови училишта, нови спортски сали со кои ќе го подобрат квалитетот на живот на македонските граѓани.

Граѓаните секој ден се повеќе се иселуваат по потрага за нова работа и подобри услови за живот. Џебовите на граѓаните стануваат се повеќе празни, додека џебовите на Заев и на неговите сопартијци стануваат пополни.

Но граѓаните ги препознаа лагите на СДСМ бидејќи на свој грб ја почувствуваа сиромаштијата, и економијата која секојдневно тоне. СДСМ и Заев се причината затоа што им се случува. Време е СДСМ и Заев да си заминат од власт.

 

Со почит,
Центар за комуникации на ВМРО-ДПМНЕ

Поврзани вести

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...