Граѓаните ќе ја изберат професорката Сиљановска Давкова за претседател и ќе ги победат неправдите и криминалите на СДСМ и Заев

Соопштение до јавноста

Претседателот на ВМРО-ДПМНЕ Христијан Мицкоски денеска оствари средба со граѓаните на општина Крива Паланка.

На средбата Мицкоски посочи дека во вториот круг од претседателските избори, граѓаните на Крива Паланка ќе изберат жена за претседател, со што ќе се победат сите неправди а со тоа ќе биде поразен криминалот и корупцијата која моментално владее во Република Македонија од страна на владата на СДСМ и Заев.

Крива Паланка на 5 ти мај ќе одбере правда за Македонија и тука народот вели Гордана ќе биде. Неправдата ќе биде поразена, ќе бидат поразени заштитниците на криминалот и корупцијата, вели Мицкоски.

Тој пред присутните граѓани ја искоментира и вчерашната изјава на Заев каде што јавно признал дека со својата функција успеал да издејствува запирање на истрагата на двајца негови функционери осомничени за криминал, односно како што рече Мицкоски, Зоран Заев е заштитник и промотор на криминалот а со такви политичари Република Македонија не може да гради европска иднина.

Го гледавме вчера на една телевизија или баре они кои што имаа можност да го гледаат Зоран Заев и да го слушаат како кажува лага до лага, како се препелка, поти, лево десно, па дури и во еден момент призна дека самиот тој од позиција на премиер, претседател на Владата на Република Македонија влијаел во две истраги за сторен криминал на двајца високи функционери, кои што најпрво пред две години беа нели министри, за да вчера признае дека всушност не биле министри туку биде директори. И на прашањето на новинарот кои се тие директори и каква функција обавувале, каде директорувале, самиот кажа: Е сега вие мене ме терате јас нив да ги обвинам, а неколку минути претходно самиот призна дека практично ја сопрел истрагата за двајца високи државни функционери за основано сомневање  дека сториле криминал. Затоа не само во јуни, не па во јули, нема никогаш да добиеме датум за преговори, ниту пак Македонија има евроатланска иднина заедно со политичари како Зоран Заев, но и оние 102,5 проценти слични на Зоран Заев, претпоставувам знаете за кого зборувам, зборувам за овој Пендаровски Стево, вели претседателот Мицкоски.

Мицкоски побара масовна поддршка од страна на граѓаните во недела на 5 мај, потенцирајќи дека вистинска иднина во Европа, Македонија ќе има само доколку добие претседател кој е чесен, честит, достоинствен и кој ќе ги испорача сите ветувања дадени пред граѓаните, додавајќи дека таков човек е токму Проф. д-р Гордана Сиљановска Давкова која се бори за правото и правдата во Република Македонија.

Вистинска иднина во Европа, во европското семејство за Македонија ќе има откако ќе дојдат честити политичари, луѓе кои што наместо, живи луѓе да јадат, ќе испорачаат тоа што ветуваат, ќе исполнат дела, луѓе кои што вистински знаат како се работи за Македонија да биде дел од европското семејство ,каде што ќе се врати владеење на правото и правната држава, каде што вистински ќе се заштитуваат законите и уставот, а таков политичар во Република Македонија денеска секаде во Македонија е прифатен, тој политичар е идниот претседател на државата а тој е Гордана Сиљановска Давкова, објасни Мицкоски.

 

Со почит,
Центар за комуникации на ВМРО-ДПМНЕ

Поврзани вести

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...