ВМРО-ДПМНЕ денеска поднесе уште два приговори до Државната комисија за спречување на корупцијата во врска со прекршување на Изборниот законик

Соопштение до јавноста

ВМРО-ДПМНЕ денеска поднесе уште два приговори до Државната комисија за спречување на корупцијата во врска со прекршување на Изборниот законик и Законот за спречување на корупција и судир на интереси.

Првиот се однесува на одлуката за измена на детален урбанистички план во општината Ѓорче Петров, каде локалната власт на СДСМ уништува парк за да се гради станбен објект.

Одговорни се градоначалникот и Советот кој што прифатиле точка и ја изгласале одлуката во Изборен период. Иако иницијативата е поднесена од приватно лице пред изборите; во овој период не смее да се менува ДУП, бидејќи се отвора можност за влијание врз гласачи.

Вториот счучај се однесува на лице вработено во администрација, кое работното време наместо на работното место, го поминува во штабот на Стево Пендаровски. За време на посетата на идната претседателка на Република Македонија Гордана Сиљановска Давкова на штабот на Пендаровски во Скопје, меѓу присутните е и градежен инженер од Демир Хисар, вработен во Министерството за финансии.

Зоран Заев и Стево Пендаровски се во паника бидејќи се соочени со изборен пораз и затоа скандалозно и недопустливо секојдневно ги злоупотребуваат институциите и буџетот во изборни цели.

Затоа по социјалните мрежи кружат фотографии и видеа како се делат дрва и како се асфалтираат улици, иако ваквите активности се забранети во предизборниот период.

Власта и на централно и на локално ниво, две години камче не фрли, ниту шајка закова, па сега се надева дека граѓаните имаат заборавено и дека нивната чест и достоинство ќе може да се купат со пари кои и онака се буџетски.

Заев и Пендаровски ги потценуваат граѓаните кои веќе избраа и се одлучија за правда за Македонија.

ВМРО-ДПМНЕ очекува ДКСК да ги прифати поднесоците од ВМРО-ДПМНЕ. Очекуваме и ЈО да постапи по нивните наоди. Државните институции мора да се ослободат од притисоците и да преземат мерки да не се узурпира волјата на гласачите.

Криминалниот клан во власта е изворот на корупцијата и мора да му се ставио крај. Стево Пендаровски е вториот лик на Зоран Заев. Стево Пендаровски му е потребен на Зоран Заев за непречено да продолжи криминалот и корупцијата, единствената владина насока.

Македонија мора да стане држава во која важат законите, важи правото, се цени правдата, Македонија мора биде држава на правото и правдата, а тоа е возможно само со убедлива победа на Гордана Сиљановска Давкова на 21 април и потоа на 5 мај.

 

Со почит,
Центар за комуникации на ВМРО-ДПМНЕ

Поврзани вести

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...