Мицевски до Тунтев: Јас не сакам да гласам за лошиот договор, јас ќе продолжам да ги почитувам граѓаните и ќе гласам согласно нивната одлука

При заседавањето на седницата на Собрание на Република Македонија, на што на дневен ред беше промена на Уставот пратеникот од ВМРО-ДПМНЕ, Никола Мицевски реплицираше на пратеникот Тунтев.

-Колега Тунтев, денеска разговараме за жал за предлог за пристапување на измена на Уставот на Република Македонија врз основа на спогодба, а не договор во чие изготвување не бевме ниту консултирани, ниту вклучени. Се донесе закон за ратификација на спогодбата помеѓу Република Македонија и која што беше кажана како втората страна и Република Грција, закон којшто не беше потпишан од Претседателот Ѓорѓи Иванов и закон кој што не е пуштен во „Службен Весник“ врз основа на кој без почитување на опозицијата и без консултација за процесот сами донесовте одлука за организирање на консултативен референдум, посочи Мицевски кон Тунтев.

Тој образложи дека беа познати резултатите на референдумот , СДСМ продолжи со силување на демократијата во Република Македонија. Резултатите од ДИК кои беа објавени, замислете ДИК во која власта има мнозинство ја објави својата одлука која правно и формално не можеше да биде на друг начин и СДСМ продолжи со фиктивен процес.

-Господине Тунтев, прекинете да ги повикувате пратениците на ВМРО-ДПМНЕ и Коалицијата. Вие не сакавте да се вклучиме во дебата и дискусија да ве потсетам спогодбата ја ставивте на Комисија за Европски, а не за надворешни за да дебатираме. Одлуката за организирање на референдум добивме 10 минути пред почнувањето на седницата. Зошто мислењето на 1.200.000 граѓани за вас не е евидентирано, јас сум еден од тие 1.200.000 граѓани. Јас не сакам да гласам за лошиот договор, јас ќе продолжам да ги почитувам граѓаните и ќе гласам согласно нивната одлука, а тоа е против промена на Уставот и промена на уставното име, нагласи Мицевски.

Поврзани вести

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...