Македонија победи на референдумот, граѓаните ја поразија оваа насилничка, криминогена и капитулантска влада, време е СДСМ да замине

Интегрален текст од прес конференција за медиуми на Наум Стоилковски, Портпарол на ВМРО-ДПМНЕ

Почитувани,

Неверојатно со каква леснотија човекот продолжува да лаже и тоа во Собранието на Република Македонија, да ги лаже пратениците, избраниците на народот, истиот народ коj не успеа да го излаже на референдум. И тоа го прави во исто време  кога поднесува амандмани каде името Македонија се брише 288 пати во Уставот. Заев продолжува со манипулациите за измените на Уставот во чиј што текст повеќе нема да смее да се употреби Република Македонија, ниту пак некаде ќе смее да се употреби Република Македонија, ниту придавките кои произлегуваат од Македонија, како Македонски, Македонско, Македонска. Се менува идентитетот, се менува инстуционалниот идентитет со кој што се идентификуваат граѓаните, се менува културата. Зоран Заев го менува минатото,ја брише ИДНИНАТА на Република Македонија!

Почитувани,

Има многу причини зошто Договорот од Преспа е капитулантски и противуставен, и тоа не е само затоа што граѓаните го отфрлија на референдум. За тоа се свесни и во кабинетот на Зоран Заев, до толку што Министерството за правда се иззема од уставните измени и како надлежен претставник го става министерот Никола Димитров како шеф на МНР што е до сега невидена практика. Измени на Уставот СЕКОГАШ предлага Министерството за правда, но овој пат министерството одлучи да избега.

Почитувани,

Ваквите измени би биле само почеток, бидејќи многу од прашањата уредени во договорот, во капитулацијата не се опфатени со уставните измени. На пример, што ќе се случува со придавките македонско/македонска/македонски, кои согласно чл. 7 од Договорот мора да бидат дообјаснети. Исто така и кај македонскиот јазик мора да има објаснување како што стои исто во чл. 7, точка 4 од Договорот од капитулацијата од Преспа.

Почитувани,

Граѓаните го кажаа своето вртејќи грб на капитулантскиот договор и на штетноста на оваа донесена власт за една намена. Од Зоран Заев не може да се очекува ништо повеќе од поддршка, заштита и поттикнување на криминал и продажба на националните и државни интереси во замена за бегство од правото и правдата.

Крајно време е оваа власт да замине. Република Македонија победи на референдумот, Република Македонија ја порази оваа насилничка, криминогена и капитулантска влада!

Време и е да замине!

Поврзани вести

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...