Семејната фирма на директорката на хематологија Ирина Пановска Ставридис добила милионски тендери од министерството за здравство, владата на СДСМ се уште молчи

Интегрален текст од прес конференција за медиуми на Наум Стоилковски, Портпарол на ВМРО-ДПМНЕ

Почитувани,

Семејната фирма на директорката на хематологија добила милионски тендери од министерството за здравство, владата за тоа молчи. Ова е скандал од невидени размери. Во три тендери Клиниката за хематологија доделила над 3 милиони евра на веледрогеријата „д-р Пановски“. Директор на клиниката, Ирина Пановска Ставридис е ќерка на Златко Пановски, сопственикот на веледрогеријата. За власта нема ништо спорно, нема судир на интереси, нема злоупотреба на службена положба, нема корупциски скандал? Заев и Филипче мора да одговорат дали Клиниката за хематологија се претвора во приватна клиника на Пановски? Дали ова не е параван државните пари да завршуваат на приватни сметки?

За жал, ова не е и нема да остане единствената афера поврзана со директорите на клиниките кои во семејни врски со веледрогерии и компании со кои клиниките имаат договори си ги вртат парите. Вакви врски има во уште најмалку пет клиники под раководство на Филипче и Заев.

Од татко на ќерка, од братучед на братучед, од брат на брат. Од клиниките се слеваат огромни пари во приватните џебови на неколкумина. Во периодот што следи најавуваме ќе ги објавиме овие информации. Со СДСМ на голема врата се враќа белата мафија во здравството. Имаме приватизирано тендер здравство во кое се бројат црните милиони и растечките смртни случаи.

Почитувани граѓани,

Колку што му е на Заев за судските реформи, а на Анѓушев за иновации, толку му е на Венко Филипче до јавното здравство! Во само половина година министерството за здравство го тресат невидени секојдневни скандали и афери поврзани со милионски крвави тендери, непотизам и делење на пари во четири очи на семејни компании. За дел од нив и ОЈО отвори случаи, но јасно е како тие ќе завршат. Правосудниот систем е во јарем на главниот реформатор инаку аболициран и помилуван за случаи како „Глобал“ и „Поткуп“. Оттука јасно е и зошто и како здравството стана најнов „Бонбона“ бизнис за полнење на сметките на партиски компании.

Одговорност за ова мора да има и ќе има тогаш кога ќе профункционира правниот систем, кога државата нема да биде на тапет во светот заради корупција поврзана со власта, тогаш кога правосудството навистина ќе се реформира. Тогаш кога Република Македонија ќе се ослободи од СДСМ и од Зоран Заев и Република Македонија ќе победи.

Поврзани вести

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...