Македонија не слави, туку Зоран Заев слави, jа слави капитулацијата и тоталната продажба на името, идентитетот, јазикот и Уставот на нацијата

Соопштение до јавноста, реакција на соопштението на СДСМ кое се однесуваше на изјавата  на Христијан Мицкоски, Претседател на ВМРО-ДПМНЕ

Македонија не слави, туку Зоран Заев слави. Ја слави капитулацијата и тоталната продажба на името, идентитетот,  јазикот и Уставот на нацијата.

Тоа што Зоран Заев го претставува сега како успех, граѓаните го добија пред 10 години. Република Македонија ги има исполнето сите предуслови за влез во НАТО уште во 2008 година.

Зоран Заев троши пари на граѓаните на еднодневна журка, за која нема ниту повод ниту причина. Овој настан ќе остане запаметен во историјата на државата како прослава за промената на името.

Додека Заев ниже порази и понижувања за Република Македонија на меѓународен план, државата се распаѓа одвнатре поради неспособноста на СДСМ.

Економијата тоне, здравството колабира, земјоделието е уништено, образованието разрушено, младите немаат перспектива.

СДСМ се што вети излажа и донесе само порази на Република Македонија. Оваа безидејност не смее да продолжи. Македонија мора да оди напред – со СДСМ тоа не е можно.

 

Со почит,
Центар за комуникации на ВМРО-ДПМНЕ

Поврзани вести

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...