Почитувани,

Сакаме да ве известиме дека на ВМРО-ДПМНЕ ќе и биде доделена престижната „ Линдберк Награда за демократија и човекови права“ за 2009 година.

Линдберк беше лидер на конзервативната партија на Норвешка. Се бореше за улогата на правото, сопственичките права, економските права, индивидуалните слободи и соработка помеѓу политичките партии.

Долго време борец за слобода и мир, демократија и човекови права. Тој беше долго време и член на Комитетот за доделување на Нобеловата награда за мир.

Наградата се доделува на луѓе или организации кои систематски работат на промоција на основните човекови права, економските слободи, демократските вредности, на зајакнување на демократските институции во општеството каде демократијата и човековите права се во развој.

Оваа награда минатата година ја доби поранешниот премиер на Естонија, г-дин Март Лаар.

ВМРО-ДПМНЕ ќе ја добие наградата бидејќи работи на модернизација на Македонија и придонесува за :

• Движење на Македонија во правец на НАТО и ЕУ имплементирајќи ги реформите за зголемување на напредокот, зајакнување на приватната сопственост како и јакнење на улогата на правото и транспарентноста на ограните на власта.
• Реформите и јакнењето на изборното право во правец на гарантирање на слободни, фер и транспарентни избори.
• Јакнење на врската помеѓу различните етнички заедници во Македонија креирајќи широка коалиција со претставници на албанската, турската, ромската, српската, влашката и бошњачката заедница, со што се реализира Охридскиот договор.
• Остварување на целокупното законодавство и политика на Европската Унија („ Acquis Communautaire“ ) а со тоа и се олеснуваат ЕУ интеграциите.
• Исполнување на барањата за визно олеснување на Република Македонија и влез во Шенген –зоната и шенген соработка.

Претседателот на ВМРО-ДПМНЕ и претседател на Владата на Република Македонија, Никола Груевски е поканет лично да ја прими наградата,утре 9-ти мај во Осло, но поради обврските нема да ја прими лично тој наградата туку министерот за надворешни работи, Антонио Милошоски.