Најголемиот финансиер на СДСМ бара да извезува и цвет од канабис!

Почитувани,

Владата на Заев за само една година доделиле 31 лиценца за одгледување марихуана, од кои во само месец декември 2019-та година кога Заев е премиер доделиле 10 лиценци, а уште 20-тина се на разгледување.

Како што рековме и вчера, според информациите кои дојдоа до нас, сомневањата говорат дека владата на Заев манипулирајќи ги потенцијалните и заинтересирани производители на канабис, создадоа нова рекет машина преку која се собираат пари од бизнисмени кои се заинтересирани и сакаат да одгледуваат канабис. Практично дел од лиценците ги добија блиски луѓе до СДСМ и Заев.

Денес ќе обелодениме една фирма која има добиено лиценца за канабис, инаку блиска до СДСМ и Заев.

Една од лиценците за одгледување канабис ја има добиено фирмата ГРИН МЕДИКАЛС МКД Кочани, каде што еден од сопствениците е синот на поранешниот пратеник на СДСМ, Ванчо Ѓорѓиев познат во јавноста како Ванчо Деликатес.

Сопственикот Ѓорѓи Ѓорѓиевски, син на Ванчо Деликатес, заедно со татко му се едни од најголемите финансиери наназад во годините во СДСМ со огромни суми на пари.

Прашањето е многу едноставно, како е можно, токму една од лиценците од оваа хипер продукција на лиценци за канабис, да ја добие токму синот на еден од најголемите финансиери на СДСМ?

Дали овие луѓе кои многу често се во друштво на Заев можеби си ја купиле лиценцата за одгледување  канабис од фамилијата Заеви?

Фирмата на еден од најголемите финансиери на СДСМ чека закон за да може да извезува и цвет од канабис, а не само масло како што е законски регулирано.

Потенцирам, ова не е единствен случај на доделена лиценца на бизнисмен близок до СДСМ, деновиве ќе обелодениме уште неколку. Низ кулоарите кружи информација дека добивањето лиценца чини од 300.000 до 500.000 евра.

Уште еднаш прашуваме, дали е точно дека Заеви доделувале лиценци на нивни блиски фирми без истите да поседуваат соодветен елаборат, па практично сега лиценците им се незаконски?

Дали после ова, конечно институциите ќе се охрабрат да реагираат и истражат ваков сериозен случај за кој доколку се утврди дека на незаконски начин се издавани лиценци ќе треба некој да сноси кривична одговорност?

Почитувани,

Обновата на Македонија доаѓа на 12-ти април, а Заев и СДСМ ќе понесат одговорност, и никогаш повеќе нема да и се случат на Македонија.

Поврзани вести

Стојаноска: Со серијата пропусти Филипче го загрозува здравјето на граѓаните, затоа ВМРО-ДПМНЕ ќе поднесе и кривична пријава до надлежното ЈО за загрозување на здравјето на граѓаните

Интегрален текст од прес конференција на Дафина Стојаноска, член на ИК на ВМРО-ДПМНЕ  Почитувани,...

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....