Стоилковски: Спасовски да одговори во кое својство го прати партискиот лидер Зоран Заев на средба со Вселенскиот патријарх ?

Интегрален текст од изјава за медиуми – Наум Стоилковски, Портпарол на ВМРО-ДПМНЕ

Почитувани,

„Страховладата“ на СДСМ целосно се потчинува на Зоран Заев и се однесува како воопшто да нема техничка влада и технички премиер за спроведување на фер и демократски изборен процес!

Владата и лично Оливер Спасовски мора да одговорат, во кое својство Оливер Спасовски го однесе партискиот лидер Зоран Заев на средба со Вселенскиот Патријарх г.г.Вартоломеј, во седиштето на Цариградската патријаршија во Истанбул?

Поканата од Вселенскиот патријарх се однесува на премиерот како политичка функција, а не лично до Зоран Заев.

Оттука Оливер Спасовски мора да одговори кој раководи со владата, тој или Зоран Заев?

Владата пак мора да одговори, зошто во владините соопштенија се наведува Зоран Заев, односно во која функција Заев е дел од владина делегација?

Притоа Владата мора да одговори кој ги сноси трошоците за посетата на Заев во Истанбул?

Почитувани,

Заев и Спасовски истовремено мора да одговорат, дали за време на посетата Зоран Заев ја повторил својата понуда за мито за Вселенскиот патријарх, која што ја дискутираше со лажниот Порошенко по телефон.

За потсетување, Заев на лажниот Порошенко во телефонски разговор е снимен како вели дека е подготвен да му плaти на патријархот Вартоломеј 100.000 евра во кeш!

Прашањето на коешто сега Заев и Спасовки мора да одговорат е дали му кажале на Вартоломеј за овој разговор, и кој е ставот на Вселенскиот патријарх за намерата на Заев да даде мито од 100 до 150 илјади евра за да Вартоломеј го покрене процесот за афтокефалност на МПЦ?

WordPress › Грешка

The site is experiencing technical difficulties.