Заев и неговите олигарси не трујат – Количеството на отровен сулфур диоксид во воздухот е 3 пати над дозволеното

Интегрален текст од изјава за медиуми на Наум Стоилковски, Портпарол на ВМРО-ДПМНЕ

Почитувани,

На ова место СДСМ ветуваа чист алпски воздух, а добивме чад и сулфур.

Македонија тоне во отровен смог. Неколку фабрики на олигарсите блиски до Зоран Заев  ја загадуваат државата со отровен сулфур диоксид. Граѓаните се трујат, а олигарсите на Заев заработуваат.

Концентрацијата на сулфур диоксид во воздухот во државата е 3.4 пати над националниот плафон, а плафонот на прашина повеќе од два пати, ова не се мерења на мерните станици, кои според власта не мерат точно, ова е извештај на Европската енергетска заедница во Виена.

Годишно во атмосферата се емитуваат 53.855 тони сулфур диоксид, тоа е 3.4 пати повеќе од дозволеното, што изнесува 15.855 тони.

Според извештајот на Европската енергетска заедница количината на емитувани загадувачки супстанци од година во година се зголемува. Нивото на емитуван сулфур диоксид во атмосферта во 2014 година изнесувало 44.267 тони, за сега 5 години потоа да имаме 10.000 тони повеќе сулфур диоксид во атмосферата. Доказ за тоа е густиот облак од смог над Скопје, што се гледа зад мене.

Скопје и Македонија континуирано се гушат. Сулфур диоксидот е отровен за луѓето, животинскиот и растителниот свет.

Зголеменото ниво на сулфур диоксид во атмосферата влијае иритирачки на кожата, очната мембрана и дишните патишта. Високата концентрација на сулфур диоксид како во Македонија предизвикува иритирање и болести на респираторниот и кардиоваскуларниот систем.

Под ризик од огромното присуство на сулфур диоксид во атмосферата се луѓето со белодробни заболувања, децата, возрасните над 65 години и луѓето кои работат на  отворено.

Токму затоа ВМРО-ДПМНЕ предложи три мерки кои итно мора да бидат преземени. Очекуваме од Заев и Шилегов минимум одговорност и да го преземат  неопходното веднаш.

Поврзани вести

Стојаноска: Со серијата пропусти Филипче го загрозува здравјето на граѓаните, затоа ВМРО-ДПМНЕ ќе поднесе и кривична пријава до надлежното ЈО за загрозување на здравјето на граѓаните

Интегрален текст од прес конференција на Дафина Стојаноска, член на ИК на ВМРО-ДПМНЕ  Почитувани,...

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....