Валидниот инсулин кој МЗ го уништи е од најреномираната данска фирма, се отвора сомнеж за нов тендер за фирма подобна за власта

Интегрален текст од изјава за медиуми на Марија Андоновска

Почитувани,

Aферата ИНСУЛИН ја признаа од Министерството за здравство. Сега јавноста ќе ја дознае целата вистина. Кога министерството не сака да ја приложи целокупната документација за ова скандалозно уништување на инсулин со валиден рок ние ќе ги предочиме фактите.

Дел од инсулинот, кој што бил уништен на ден 5.12.2019 година, имал валиден рок на употреба до 6 и 7 месец 2020 година. Патем овој инсулин бил произведен од една од најреномираните компании НОВО НОРДИСК од Данска и оваа компанија стои како гаранција за квалитетот на производот. Ако за министерството за здравство оваа компанија носи неквалитетни лекови со сомнително потекло, тогаш не знаеме која компанија произведува поквалитетен инсулин!

Паѓа во вода обвинувањето за неквалитетен инсулин.

Второ, беше кажано дека бил инсулинот со сомнителен квалитет. Ова е општа квалификација која што е неодредена. Кој утврдил дека инсулинот е сомнителен, и поради кои причини е  таков? Има ли некаков документ со кој се прави анализа и оспорува неговиот квалитет?

Трето, беше кажано дека инсулинот бил набавен од претходната влада. А светската практика покажува дека нема инсулин со валиден рок постар од две години. Ако се земе предвид дека рокот на употреба истекувал дури 6 и 7 месец 2020 година, а ваквите производи имаат 2 години рок на употреба од производството на истата серија, тогаш испаѓа дека увозот на овој инсулин бил произведен најрано во 6 и 7 месец 2018 година. Ова е период кога СДСМ е на власт.

Четврто, ако принципот на паралелен увоз не чини, тогаш зошто оваа иста влада дозволи паралален увоз на бразилски инсулин, што прво го одобрија па потоа го повлекоа?

Министерството за здравство се заплетка во овој скандал уште повеќе.

Министерството за здравство и Филипче се фатени во лага. Документите покажуваат сомнеж дека се уништува здрав инсулин, за да има нов тендер кој ќе го добие некоја компанија блиска до власта.

Овој инсулин можеше да заврши кај пациентите, но заврши уништен на отпад. Кој ќе ја сноси одговорноста за ваквата постапка?

Бараме итни одговори. Бараме надлежните институции веднаш да го проверат овој скандал и индиции за криминал тежок над милион евра.

Оваа влада во заминување на чело со Заев  и институциите под нејзина контрола ќе треба да понесат одговорност за сите криминали кои ги прават. Таа одговорност нема да биде само политичка изразена во катастрофален пораз на следните избори, туку и кривична за сите матни зделки и милионски скандали во кои длабоко се заглавени.

Поврзани вести

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...