Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието на Република Македонија

Почитувани,

Пратеничката група на ВМРО-ДПМНЕ и коалицијата „За обнова на Македонија“, денес од Собранието на Република Македонија поднесе иницијатива до Владата, со барање во најскоро можно време до Собранието да го достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО).

Согласно Уставот и Деловникот на Собранието на Република Македонија, Владата е таа која поднесува предлог закони за ратификација до законодавниот дом.

Нашата иницијатива има за цел да го забрза и да го обезбеди ратификувањето на Северноатланскиот договор и Пристапниот протокол за членство во НАТО од страна на Собранието, пред истото да се распушти заради одржување на предвремените парламентари избори, кои треба да се одржат на 12-ти април 2020 година.

Сакаме да ја информираме јавноста дека ваквата постапка е пракса која што во Северно-атланската Алијанса е воведена при зачленувањето на Црна Гора во НАТО. Тогаш во април 2017 година, Парламентот во Подгорица предвремено ги ратификуваше овие документи, а ратификацијата на протоколот за пристапување на Црна гора во НАТО од страна на Холандија и Шпанија се случи еден месец подоцна во мај 2017 година.

Апелираме до господинот Талат Џафери оваа иницијатива во најбрзо време да ја испрати до Владата на Република Македонија се со цел да не дојде до одложување на изборите од страна на СДСМ и Зоран Заев кои што очигледно се плашат од катастрофата што ќе им се случи на 12-ти април.

Со прифаќањето на оваа иницијатива ќе докажат дека  навистина сакаат Република Македонија да биде членка во НАТО Алијансата. Во спротивно на цела македонска јавност ќе и биде јасно дека СДСМ и Заев членството во НАТО го коцкаат за нивни партиски интереси и не го третираат како стратешки интерес на земјата.

Поврзани вести

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...