Ласовска: Се што им вети локалната самоуправа на граѓаните од Свети Николе, за се излажаа

Пратеничката од ВМРО-ДПМНЕ, Благица Ласовска на денешната собраниска седница за финансирање на буџет зборуваше за амандманот кој таа го поднела и со тој амандман предлага да се обезбедат средства од 20 милиони денари за санација на речно корито на река „Поток“ и реконструкција на истото по целата должина.

Имено, таа овој амандман го поврза со поплавите кои пред неколку години се случија во Свети Николе, каде имаше доста оштетеност и постои потенцијална опасност за повторно нешто такво да се случи.

-Не очекував да го прифатите овој амандман како и впрочем 14 амандмани кои ги имам поднесено за општина Свети Николе и општина Лозово, но се согласувам со вашата констатација дека општината има и други финансиски средства или можности да исцрпи финансиски средства за ваквите јас би рекла капитални инвестиции затоа што тоа е долго течение, истакна пратеничката Ласовска.

Таа во своето обраќање посочи дека нејзините сограѓани си го барале овој проект и ова е ветување на локалната самоуправа.

-Бидејќи ние сега влегуваме во фаза на предизборие и треба да направиме една рекапитулација што една влада и заедно со локалната самоуправа затоа што владата одеше во поддршка на локалната самоуправа и владата ветуваше за сите овие проекти дека ќе бидат направени. Заради граѓаните ќе кажат кога се случија поплавите во нашата општина за волја на вистината, тогашната локална самоуправа реконструираше околу 3.4 километри, околу 1.2 милиони денари, рече пратеничката.

Ласовска додаде дека минатата недела била во населеното место Горубинци каде многу граѓани прашувале што се случува со реконструкција на речното корито кое што го вети градоначалникот.

-Сите проекти кој сите амандмани кој што ги поднесувам се ветувања на локалната самоуправа, нема ништо направено од тоа и јас им се обраќам на моите сограѓани да и кажам се што ви ветија, се ве излажаа, заклучи Ласовска.

Поврзани вести

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...