Аферата Рекет е доказ за криминогеноста на Зоран Заев и власта

Соопштение до јавноста

Без да биде изведена на обвинителна клупа главата на октоподот, правдата нема да биде задоволена во случајот Рекет.

Доколку највисоките владини функционери бидат амнестирани за овој мега политичко-медиумско-обвинителски коруптивен скандал, тогаш е јасно дека органите на прогонот и судската власт се ставаат во заштита на криминалот.

Нема човек во земјава на кого не му е јасно дека Боки 13, Зоран Милевски Кичеец или Катица Јанева, немале капацитет само да ја смислат целата рекетарска шема, а уште помалку имале моќ да ја реализираат.

Јасно е како бел ден дека највисоките структури на власта, стојат зад нивниот пријател Боки 13 со кого имаа редовни фотосесии.

Со Зоран Заев на власт Македонија стана препознатлива по криминал, корупција и рекет.

Аферата Рекет е најголемиот криминален случај во независна Македонија. Аферата Рекет е доказ за криминогеноста на Зоран Заев и власта. Таа е потврда за спрегата помеѓу судството, обвинителството и власта.

6 месеци откако е пријавен случајот нема разрешница. Со месеци се развлекуваше приведувањето на Боки 13 и Зоки Кичеец, за кои видовме дека во обвинителството имало фото и видео документирани докази, но не постапи се додека снимките не беа објавени во медиумите.

Беше потребно јавноста од странски медиум да ја слушне Катица Јанева како ветува слобода на обвинет во предмет од СЈО за и таа да се најде зад решетки.

Медиумите изнесоа бројни детали а социјалните мрежи зовреа  за на крај ЈО да ја повика Фросина Ременски. Се губеа и уништуваа телефони и исчезнуваа торби Луј Витон полни со евра.

Развлекувањето на случајот Рекет е апсолутен доказ дека Зоран Заев е главата на октоподот, а ЈО , судот и органите на системот се само неговите пипци.

Ефикасна разрешница на Рекет не може да има се додека Зоран Заев е на власт, бидејќи тој е причината, а не лекот за проблемот, наречен криминогена власт.

Правда ќе има и одговорност ќе има по 12 април, кога ќе почне обновата на Македонија.

  Со почит,
Центар за комуникации на ВМРО-ДПМНЕ

 

Поврзани вести

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...