Мицкоски оствари телефонски разговор со претседателот на Албанија по повод земјотресот во Драч

Остварив телефонски разговор со Претседателот на Република Албанија, г. Илир Мета, во кој изразив најдлабоко сочувство за загубените човечки животи по големиот земјотрес кој го погоди Драч и околината на Албанија.

И во ваквите тешки мигови кај човека го истакнуваат најсветлото, помагањето, солидарноста, хуманоста, затоа во овие моменти е потребна обединетост во една заедничка мисија, помош за семејствата на настраданите и повредените во оваа голема природна катастрофа.

Ваквите трагедии покажуваат дека е потребно надминување на разликите и дека е важно меѓусебното почитување.

За македонскиот народ и Македонија ваквите природни катастрофи од овој обем не се непознати и токму поради тоа сме спремни да помогнеме на секаков начин, како партија ВМРО ДПМНЕ, но пред се како луѓе.

Уште еднаш би сакал да изразам најдлабоко сочувство со албанскиот народ и посакувам што побрзо опоравување на повредените и надминување на последиците од разорниот земјотрес.

WordPress › Грешка

The site is experiencing technical difficulties.