Дали Зоран Заев и фамилијата ги злоупотребуваат институциите во прогон на политички неистомисленици?

Интегрален текст од прес конференција за медиуми на Цветан Трипуновски, член на ИК на ВМРО-ДПМНЕ

Почитувани,

Дали Зоран Заев и фамилијата ги злоупотребуваат институциите во прогон на политички неистомисленици? Како што предупредив пред два дена, поднесена е неоснована и неаргументирана кривична пријава против мене, надвор од секоја правна логика.

Дали Заев и фамилијата оделе по логиката да ме вклучат во кривична постапка без разлика дали има основа или не?

Ме вклучуваат во случај во кој јас не сум имал, ниту сум можел да имам било какво влијание или поврзаност. Ми се става на товар, наводно не овозможување на инспекциски надзор врз спорното земјиште.

Во конкретниот случај, каде што е раскинат договорот за закуп, Инспекторатот за земјоделство нема надлежност и увид врз државното земјоделско земјиште. Согласно чл.56 од Законот за земјоделско земјиште надзор над спроведувањето на одредбите од овој закон и прописите донесени врз основа на овој закон врши МЗШВ, а инспекциски надзор над спроведувањето на одредбите од овој закон и прописите донесени врз основа на овој закон врши ДИЗ. За земјиште за кое се раскинати договорите надлежност има МЗШВ.

Потенцирам дека во периодот додека сум бил директор на Инспекторатот од страна на министерството не е стигната иницијатива или било каков допис  за надзор над спорното земјиште, ниту пак имало дојава на бесплатниот телефонски број во Инспекторатот  или пак било какво известување од министерството како договорна страна за земјиштето кое било предмет на спорните договори. Доколку имало такво нешто ве уверувам дека ДИЗ ќе постапува по службена должност.

Надлежност на инспекторатот е да прави редовни и вонредни инспекциски контроли врз актуелните корисници на државно земјоделско земјиште, како и да постапува по пријава, допрен глас или допис од МЗШВ, ниту еден од овие услови не бил исполнет, а јас ниту сум знаел, ниту сум можел да знам дека има земјиште кое се води како државно, кое не е под закуп, а се употребува. Орган кој требало да поведе иницијатива е самото министерство за земјоделство, кој има ингеренција и обврска и истото да го стави и на јавен оглас за доделување под закуп.

Оттука моето вклучување во било каква пријава во однос на конкретниот случај е без било какви аргументи, и е целосно неосновано, и има само за цел да ме замолчи.

Заев и Љупчо, нема да ме уплашите, ниту да ме поколебате. Останувам рамо до рамо со земјоделците, оние напатени луѓе, кои ги донесовте до питачки стап, кои додека вие газите црвени килими тие одат со скинати кондури. Вашето време поминува. Поминува времето на заплашување, никој повеќе не ви се плаши, а земјоделците најмалку.

Земјоделците ќе бидат граѓаните кои во најголем број ќе ве казнат на 12 април. Доаѓа време за одговорност. Доаѓа време за обнова за Македонија.

Поврзани вести

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...