Наместо навремено вакцинирање против грип, сведоци сме на филмот со местење тендери

Интегрален текст од прес конференција за медиуми на Синиша Стојаноски, претседател на Комисија за здравство на ВМРО-ДПМНЕ

Почитувани,

Вакцинацијата против вирусот на грип требаше да стартува на 5-ти ноември.

Но, наместо навремено отпочнување и реализација на истата, сведоци сме на веќе добро познатиот филм во кој што главна улога имаат предводниците на владата и министерот Филипче.

Ова веќе видено или дежа ву сценарио со доцнење на реализација на предвидени и планирани проекти се случува во континуитет и е главна карактеристика на целиот мандат на владеење на сегашната политичка гарнитура. За жал, овој пат, повторно е на сметка на здравјето на граѓаните на Република Македонија.

Прашуваме што се крие во позадината на актуелнава ситуација? Дали повторно станува збор за наместени, потенцијално сомнителни или криминални тендери? На што се должи доцнењето на овој конкретен тендер за набавување на вакцини? Дали можеби во позадина се заговарало која фирма да го добие тендерот? Прашуваме дали тоа можеби била главната причина што редовната вакцинација годинава доцни?

Години наназад, вакцинацијата против грип во земјава започнува околу 20-ти октомври, а единствено минатата година стартуваше на 5-ти ноември, исто така поради одолговлекување и ненавремено спроведување на тендерските постапки. Годинава не успеавте да стартувате ниту на 5-ти ноември.

Респект, на прав пат сте. Само продолжете така.

Дали е вистина дека во државава не се стигнати ниту комерцијалните вакцини што ги набавуваат центрите за јавно здравје, ниту пак 28.000 бесплатни дози за кои е задолжено министерството за здравство?!

Министре, па Вие самиот информиравте дека тендерот за бесплатни вакцини е завршен и дека сега следува период на жалби.

Но, не кажавте точен датум кога ќе стартува вакцинирањето.

Барате алиби во препораките на Светската здравствена организација за нашата земја и другите земји од регионот за покасно да почнела имунизацијата?! Па, таа веќе стартуваше во нашето соседство, во Република Србија и Република Хрватска.

Кое е вашето објаснување за ваквата ситуација?

Пријавувањето на грипот на групна пријава како законска обврска започнато е од 40-та недела во тековната година и трае до 20-та недела наредната година. Ова потврдува дека ние веќе сериозно сме навлезени во сезоната на грип.

Дали сте свесни дека од вашата неодговорност и ненавремено завршен процес за набавка зависи здравјето на ранливите категории на граѓани, на лица над 65 годишна возраст, на хронично болните, трудниците и децата?

До кога со ваквиот однос?  До кога, министре?! Дали ви е јасно дека си поигрувате со здравјето на граѓаните?

Затоа, логично е да следуваат прашањата:

Прво, кога точно ќе започне вакцинацијата?

Второ, зошто не стигнавте навреме да ги набавите вакцините?

Трето, кој и дали воопшто некој ќе понесе одговорност за овој пропуст?

Почитувани,

Вината за доцењето на вакцинацијата лоцирајте ја вие. Размислете кој е одговорен за ненавременото отпочнување и реализација на постапките. Одговорот е повеќе од јасен.

И затоа, граѓаните следната година во април ќе стават крај на ваквото неодговорно владење.

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...