Човечки животи се во прашање, одговорност за хаварија во „Охис“ мора да има

Интегрален текст од изјава за медиуми на Даниела Костадинова, советник во општина Кисела Вода од редовите на ВМРО-ДПМНЕ

Почитувани,

Граѓаните на цело Скопје се соочени со еколошка катастрофа. Во текот на вчерашниот ден беше невозможно да се дише во Кисела Вода, Лисиче и делови од Аеродром. Никој не знае какви последици ќе остави хаваријата во „Охис“ по здравјето на граѓаните.

Жителите на Кисела Вода, барем оние кои имаа каде да заминат, ги напуштија своите домови. Отидоа кај роднини или пријатели само да се заштитат себе си и своите најблиски.

Човекот кој не пропушта шанса да се фотографира и појави пред медиумите, Зоран Заев го нема никаде. Тој е најодговорен за еколошката катастрофа која што вчера му се случи на Скопје со оглед на фактот што чистењето на просторот во „Охис“ е под надлежност на Владата. Додека граѓаните беа во паника, никаде го немаше ниту Макрадули, ниту градоначалникот на Општина Кисела Вода, Филип Темелковски.

Што ли треба да се случи за некој од власта да понесе одговорност. Време е власта да се соочи со последиците од неспособноста.

Јавноста мора да добие одговор дали фирмата која е овластена да го менаџира токсичниот отпад има лиценца за управување со токсичен отпад и отрови? Доколку нема дали воопшто некој од власта и вршел контрола?

Одговор мора да има и на прашањето дали стечајниот управник и судијата потпишале договор уште во февруари за дислокација на дел од опасните супстанци како што се течниот хлор и метил акрилат, но досега ништо не е преземено иако парите се исплатени.

Дали во Владата се свесни дека доколку се случи хаварија со само еден канистер со 30 литри хлор истечен, ќе треба да се евакуира цело Скопје, а целата количина од 15-тина тони може да контаминира 1/3 од Македонија?

Човечки животи се во прашање, во прашање е здравјето на граѓаните, одговорност мора да има!

Прашање: Вие што ќе преземете, ќе побарате нешто?

Одговор: Ние како Совет на Општина Кисела Вода, нашата советничка група и коалиционите партнери, уште вчера кога најавите по медиумите видовме што се случува во нашата општина, побаравме вонредна седница. Но тоа не ни беше овозможено, значи останаа глуви на нашето барање. Ние сакаме како советничка група да бидеме информирани за она што се случува во нашата општина, имаат право жителите на општината, а воедно и на околната општина Аеродром бидејќи и таму се почувствува непријатниот мирис, да знаат што се случува кај нив и каква опасност има. И воедно ако треба некои безбедносни мерки, населението да се евакуира.

 

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...