Мицкоски денеска оствари средба со Карло Ромео

Соопштение до јавноста

Претседателот на ВМРО-ДПМНЕ, Христијан Мицкоски денеска (25.10.2019) оствари средба со амбасадорот на Република Италија, Карло Ромео.

На средбата се разговараше за актуелната политичка и економска состојба во државата како и стратешките приоритети на Република Македонија.

Мицкоски истакна дека европската перспектива е клучна стратешка определба за Република Македонија и за ВМРО-ДПМНЕ и дека партијата има план и знае како да ја стави државата на брза лента кон Европската Унија. Државата во моментот е блокирана како последица на недостатокот на реформи и погрешните политики на владата на Заев, посочи Мицкоски.

Лидерот на ВМРО-ДПМНЕ на своите соговорници им ја посочи корупцијата и криминалот како крупен проблем со кој се соочуваат македонските граѓани, домашните, но и странските бизнисмени. Тој напомена дека ВМРО-ДПМНЕ бара брза разрешница на сите оние корупциски скандали во кои се вмешани високи претставници на власта како случаите „Рекет 1“, „Рекет 2“, Рашкоски.

Покрај проблемите со владеењето на правната држава, Мицкоски ја посочи и влошената економска состојба која резултираше со ниско ниво на странски инвестиции кои се клучни за развој на македонската економија, како и ниската реализација на капиталните инвестиции и падот од 7 места на извештајот на Светска Банка „Дуинг Бизнис“.

Соговорниците се согласија дека Република Италија е клучен партнер на Република Македонија во остварување на европскиот сон, а соработката помеѓу двете држави има простор и натаму да се продлабочува.

 

 

  Со почит,
Центар за комуникации на ВМРО-ДПМНE

 

Поврзани вести

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...