Две години СДСМ и Николчо Илиев во Кочани, се две години на лаги, манипулации, неспособност и негрижа за граѓаните

Интегрален текст од изјава за медиуми на Кирил Георгиев

Почитувани,

Поминаа две години откако СДСМ ја презеде локалната власт во Општина Кочани.

Две години власт исполнети со  лаги и манипулации, не работа и неспособност.

СДСМ и градоначалникот Николчо Илиев на половина од мандатот немаат реализирано НИТУ ЕДЕН клучен проект што го ветија. А ветуваа многу.

Денес, без срам се пофалија со 90% реализирана изборна програма!!! Граѓаните прашуваат –каде и во што?!

Ветуваа гасификација, ветуваа театри, старечки домови, музеи, нови градинки, нови мостови и сообраќајници, а сите сме сведоци дека БУКВАЛНО НИШТО не остварија или  како што граѓаните секојдневно  со право коментираат шајка немате заковано две години.

Ветуваа чиста вода и чист воздух, но сето тоа  било ветер и магла. Кочанчани се гушат во загадениот воздух секојдневно, а СДСМ нити знаат нити се трудат, нити се способни да го решат проблемот. Кочани од најчист се претвори во најзагаден град, со фекалии кои секојдневно течат по Кочанска река.

Ветија нов сообраќаен режим, сообраќаен режим нема, но има режим за вработените кои не се истомисленици!

Ветуваа финансиска помош за секое новородено дете, но и тоа остана само лажно ветување.

Нема нови инвестиции, нема нови работни места.

Се вработуваат само сопруги, деца и роднини на функционерите на СДСМ.

Почитувани сограѓани,

Кочани е зафатено од епидемија на непотизам.

Многу лаги за овие 2 години. Јасно е на сите дека СДСМ функционира само со лаги и манипулации, но изненадени сме од Николчо Илиев кој единствено се грижи за својот углед и нема способност да ги согледа последиците од своето неработење.

Младите се помасовно се иселуваат. Разочарани од неспособната власт на СДСМ огромен број Кочанчани својата можност за поквалитетен живот ја  бараат што подалеку од Кочани.

СДСМ заедно со градоначалникот Николчо Илиев, во овие две години покажаа дека се неспособни да испорачаат резултати, нити знаат да управуваат со општината. Времето покажува дека нивните предизборни ветувања се само измама и служат за манипулација на граѓаните.

На Кочани му е потребна обнова.

Обнова која ќе стави крај на измамите, лагите и неработењето.

Обнова за развој на општина Кочани.

Поврзани вести

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...