Ѓорѓиевски: ЈО мора да истражи дали Ременски користела информации и услуги од тајната полиција, со помош на кои го вршела криминалот?

Интегрален текст од прес конференција за медиуми на Орце Ѓорѓиевски, член на ИК на ВМРО-ДПМНЕ

Почитувани,

Истрагата за рекет е само фарса. Русковска обвинителството прави се само за да ги прикрие трагите кои водат до главата на октоподот.

Шест месеци и беа оставени на Фросина Ременски да влијае на истрагата и да ги чисти доказите, иако уште пред половина година сите знаеја за вмешаноста на Фрики во оваа аферата.

Симболичното замрзнување на партиските функции е само замачкување на очите на јавноста, во ситуација кога нејзиниот шеф Зоран Заев врши јавен притисок врз органите на прогонот прогласувајќи ја за невина.

Иронично е Фросина Ременски да остане пратеник кој ќе го гласа буџетот на Русковска. Осомничената Фросина Ременски ќе носи и закони од областа на безбедноста, а треба да дискутира и за законот за обвинителство.

Иронијата да биде уште поголема, нејзиниот сопруг Јовче Ременски е функционер во новоформираната Агенција за национална безбедност.

Ременски, кој според одредени информации поседува највисок безбедносен сертификат е потенцијален ризик врз истрагата против неговата сопруга.

Дали Јовче Ременски знаел за криминалот кој сега се става на товар на неговата сопруга? Дали свесно ги прикривал и бил соучесник во истиот или нема никаков капацитет за функцијата што ја извршува?

Дирекцијата за класифицирани информации и АНБ треба веднаш да ја преиспитаат одлуката со која му е доделен безбедносен сертификат и да го стават под повторна контрола Јовче Ременски.

ЈО мора да истражи дали Фросина Ременски користела информации и услуги од тајната полиција, со помош на кои го вршела криминалот кој што во моментот и се става на товар.

Јовче Ременски дотогаш мора да биде суспендиран.

Јавноста беше сведок дека тој не размислува два пати кога треба да се закани со апсења и класифицирани информации. Не смее да се дозволи тоа да им го прави и на оние кои ги истражуваат делата на неговата сопруга.

Криминалот не смее да се толерира.

Време е власта да престане да глуми истрага и да се зафати со реално расчистување на случајот Рекет. Со брачни другари на осомничените со сертификати со највисок степен на доверливост во тајните служби тоа не е можно во моментот.

Поврзани вести

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...