Пемова: Ребалансот на буџетот се прави затоа што владата има промашување во креирањето на економската политика во државата

Пратеничката од пратеничката група на ВМРО-ДПМНЕ, Весна Пемова на денешната собраниска седница посочи дека самото отсуство на министерката за финансии говори за нејзината загриженост и одговорност на функцијата која ја има.

Повеќе од јасно е дека ребалансот на буџетот се прави затоа што владата има промашување во креирањето на економската политика во државата. Односно има некорелација во однос на предвиденото и оствареното. Одредени економски мерки не го даваат очекуваниот резултат и институциите во државата не работат ефикасно, истакна Пемова.

Пемова додаде дека овој буџет гледано на среден рок е неодржлив, нема развојна компонента. Овој буџет исто така е потценувачки за граѓаните во Република Македонија.

При читање на буџетот на приходната страна се забележува дека Владата во прибирање на средства во буџетот имаат потфрлено доста. Потфрлувањето за осум месеци во годината е околу 5%. Или со проценти и бројки да кажам дека заклучно со осми месец средствата што владата ги има прибрано на приходната страна се во висина од 61,8%, а Владата планирала тој процент да изнесува да биде повисок односно 67 или 68%. Во апсолутен износ Владата има потфрлено во прибирање на средствата во висина од 166 милиони евра, нагласи Пемова.

Пемова појасни дека до денес во буџетот недостигаат околу 166 милиони евра за нормално функционирање на буџетот.

Поврзани вести

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...