Мицкоски: ВМРО-ДПМНЕ во рамки на програмата обнова за Македонија ќе предвиде решенија кои што ќе значат вистински решенија за реалните проблеми на лозарите

Интегрален текст од изјава за медиуми на Христијан Мицкоски, Претседател на ВМРО-ДПМНЕ

Почитувани,

Денеска сме овдека во Неготино, во рамките на посетите кои што ги имаме низ цела Македонија.

Разговаравме со лозарите од Неготино, претходно разговаравме со лозарите од Кавадарци, Росоман. Така што генерално преовладува идентична слика дека денеска тие се во очајна, катаклизмична би рекол ситуација поради условите кои што се денеска предизвикани од страна на Владата предводена од СДСМ и Зоран Заев.

ВМРО-ДПМНЕ во рамки на програмата обнова за Македонија ќе предвиде решенија кои што ќе значат вистински решенија за реалните проблеми на лозарите овдека во Тиквешијата, а со самото тоа ќе го зголеми и квалитетот на нивниот живот.

Јас не би сакал да навлегувам во било каква политичка квалификација како што тоа го правеше министерот за земјоделие и малкумината обожаватели околу Зоран Заев и ги оквалификува верните земјоделци и лозаро производители овдека  од Тиквешијата дека наводно биле изманипулирани од страна на политичките елити, па излегле на протест. Напротив, денеска имав можност да разговарам со лозаро производители од целата Тиквешија без разлика на нивната политичка припадност или неопределеност, без разлика која партија повеќе ја преферираат, заедничка е маката на сите, и сите оние политичарите кои што ги делат лозарите а и земјоделците во Република Македонија  на подобни и неподобни за власта мислам дека прават огромна грешка, а таа грешка ќе им се удри од главата на истите тие политичари веќе на следните предвремени парламентарни избори.

ВМРО-ДПМНЕ ја почитува маката на земјоделците, ја почитува секоја капка пот на нивите во Република Македонија, а таа почит ќе ја преточи на лист хартија во програмата за Обнова на Македонија, а веднаш потоа во првите 100 дена од новата влада ќе се вклучи во решавање на истите тие проблеми.

Доаѓа обнова за Македонија и доаѓаат решенија за проблемите на земјоделците без разлика на нивната политичка припадност или неприпадност.

Поврзани вести

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...