Николоски: Македонија нема да добие датум за преговори, можно е само ад-хог тело за мониторинг

Јас се надевам дека Македонија ќе добие датум за почеток на преговори, но во исто време информациите кои што ги добиваме за жал не се толку оптимистични. Бевме во Брисел, баравме да се определи датум за Македонија, јас лично побарав Македонија да не е жртва на Зоран Заев, односно да не е жртва на неуспесите на оваа влада, вели потпретседателот на ВМРО-ДПМНЕ Александар Николоски во интервју за Канал 5 телевизија.

Николоски нагласи дека и претседателот на ВМРО-ДПМНЕ Христијан Мицкоски испратил писмо до европските лидери со барање за почеток на преговорите на Република Македонија со Европска Унија, додавајќи дека реформите не се доволни за влез во ЕУ и побара од владата на СДСМ и Заев да не ја манипулираат јавноста туку да ја согледаат реалноста и да работата на истата.

Претседателот на партијата испрати писмо до сите европски лидери со барање за датум, но, она што е јасно и што мора да го потенцираме е дека нивото на реформи во Македонија не е доволно и во овој момент сите информации кои што стигаат до нас е дека нема да имаме чист датум за преговори, односно нема во октомври да се каже дека во декември почнуваат преговорите и во таа насока апел до владата да не создава лажна претстава, мора да се соочиме со вистината и да работиме за истата, изјави тој.

Тој истакна дека европските лидер не гледаат капацитет во владата на Заев и затоа нема да дозволат почеток на преговорите и како што рече Николоски според информациите кои што ги има Република Македонија нема да има датум за почеток на преговорите ниту во декември ниту во март, единствено што ќе добие е формирање на ад-хог тело кое ќе има за цел вршење мониторинг владеење на правото и корупцијата кое може да трае најмногу 2 години.

Како што сега стојат работите Европската унија односно европските лидер не гледаат капацитет во оваа влада за реформи и не сакаат да дозволат оваа влада да отпочне со преговори. Сето друго е манипулација на јавноста, јас го прашав министерот Димитров, а еве прашувам и јавно дали во декември оваа година како што е редот ќе има меѓуресорка конференција или ако не во декември барем во март. По сите сознанија кои што ги имаме ниту во декември ќе има меѓуресорска, ниту во март, преведено ниту во декември ќе почнат преговорите, ниту во март ќе почнат преговорите.

Втората информација која што сакам ексклузивно на Канал 5 да ја споделам е дека условно кажано најдоброто што може Македонија да го очекува со оваа влада е да се формираат тим од претставници на 5 европски институции, 3 од Брисел и 2 од Стразбур кои што ќе треба да вршат мониторинг, владеење на правото и борбата со корупцијата во период од најмалку 1 а најмногу 2 години и после тоа да се даде оценка дали Македонија е спремна да започне преговори. Тоа не е почеток на преговори, тоа практично формирање на ад-хок тело бидејќи е проценето дека оваа влада ниту има волја ниту има капацитет да се избори со корупцијата, потенцираше Николоски.

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...