Дали новиот клинички центар ќе биде нов мега Глобал? Овој пат во Скопје

Интегрален текст од прес конференција за медиуми на Игор Николов, член на ИК на ВМРО-ДПМНЕ

Почитувани,

Триото Заев-Дончев-Филипче продолжуваат да го деградираат здравствениот систем. Од новиот Клинички центар нема абер, а стариот се распаѓа.

Кога се распишуваше тендерот за новиот клинички центар во вредност од половина милијарда евра, предупредивме дека станува збор за најголемата кражба во независна Македонија.

Помина месец дена откако трае и рокот за доставување понуди. Самите компании кои се заинтересирани,  најдоа забелешки. Незавршен тендер и во истиот има и многу фалинки, замислете!

Имено, една од заинтересираните фирми поднесе жалба до Државната комисија за жалби по јавни набавки. Оваа државна институција му вели на министерот за здравство, Венко Филипче, тендерот не чини, треба да се смени како што кажуваме.

Заклучокот е дека тендерот и условите во тендерот ја ограничуваат конкуренцијата на пазарот.

И веќе има и епилог. Државната комисија за жалби по јавни набавки постапувајќи по службена должност согласно Законот за јавните набавки утврди постоење на битни повреди! Комисијата утврди дека  делови од тендерската документација, не се во согласност со Законот и истата води до дискриминација на фирмите или ограничување на пазарна конкуренција!

И сега бидејќи се покажа дека министерството за здравство и министерот Филипче не сакаат да ги направат тендерите според правните норми, Државната комисија им објаснува што треба да направат.

До 20-ти во месецов, се уште траат роковите за измени на фаличниот тендер, Филипче треба и да го промени, според сугестиите на Државната комисија за жалби по јавни набавки.

Вакви дискриминации на компании во тендерска процедура не се појавуваат за прв пат во министерството за здравство. Исти вакви ограничувања или лимитирање на конкуренцијата имаше и кај тендерот за стерилизација.

Оттука, Филипче мора да одговори дали ограничувањето на конкуренцијата му е начин на функционирање и начин на местење на тендер, односно истиот да го даде на компанија која тој ја преферира?

Должни се да одговорат, дали со новиот Клинички центар, планираат да направат и нов МЕГА Глобал, но овој пат во Скопје?

Филипче, должни сте за многу одговори.

Или треба да одговорите или треба заминете од функцијата.

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...