ВМРО-ДПМНЕ најостро го осудува говорот на омраза упатен кон Унијата на жени на ВМРО-ДПМНЕ од страна на музичарот Златко Ориѓански

Интегрален текст од изјава за медиуми – Благица Ласовска, пратеник на ВМРО-ДПМНЕ во Собранието на Република Македонија

Почитувани,

Зоран Заев и неговиот говор на омраза е инспирација за СДСМ и неговите функционери. Навредите на Зоран Заев кон новинарите и кон лицата со поинаква сексуална определба, продолжуваат со срамни навреди кон жените, пласирани врз основа на лажни вести од кујните на СДСМ.

ВМРО-ДПМНЕ најостро го осудува говорот на омраза упатен кон Унијата на жени на ВМРО-ДПМНЕ од страна на музичарот Златко Ориѓански кој од владата на СДСМ и Зоран Заев е поставен за директор на Центарот за култура на Македонија во Тирана.

Говорот на омраза искажан преку мизогинија, шовинизам и сексизам е крајно недоличен и срамен особено кога станува збор за лице кое треба да ја застапува македонската култура во соседството.

Господине Ориѓански поклонувањето пред споменикот на Методија Андонов Ченто е симбол на почит кон човекот кој како прв претседател на Президиумот на  АСНОМ ги постави темелите на државотворноста на Република Македонија.

Обидот за исмевање на ваквиот чин преку ширење на лажна вест, шовинизам и сексизам, покрај тоа што е навреда за сите жени е навреда и кон државата.

Ги повикуваме СДСМ јавно да се оградат и да го осудат недоличното однесување на нивниот директор,  а воедно го повикуваме и Златко Ориѓански да се извини не само на Унијата на жени на ВМРО-ДПМНЕ, туку и на сите жени во Република  Македонија.

Го повикуваме Зоран Заев и Владата да преземат мерки против Ориѓански, доколку не стојат зад неговите навреди.

Очекуваме и Комисијата за заштита од дискриминација и невладиниот сектор да го осуди ваквото срамно однесување на функционерите на СДСМ.

Очигледна е нервозата во редовите на СДСМ, па токму затоа со спуштање на нивото, лажни вести и валкана пропаганда  се обидуваат да ја дефокусираат јавноста од вистинските проблеми на граѓаните кои како власт не се способни да ги решаваат.

Во  јавниот простор не смее да има место за говорот на омраза, а особено не за шовинизам и сексизам упатени кон жените во Република Македонија.

 

Поврзани вести

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...