Аферата „Рекет“ скапо ќе не чини за добивање на датум за преговори со ЕУ

Слушајќи го вчера Пендаровски на неговата прва прес-конференција не можев, а да не си поставам неколку прашања, кои еве ќе ги споделам со Македонската јавност.

1. На кои политичари од опозицијата мисли? Ова од причина што во објавените материјали не видовме, слушнавме или прочитавме дека некој опозициски политичар е било како замешан. Да не бидам погрешно разбран, доколку има било каква вмешаност од било, вклучително и опозиционер треба да одговара! Ама да спомнуваш опозиција кога знаеш дека само твоите се криви и фатени in flagranti некако глупо делува.

2. Кои се тие ингеренции кој ги има и ќе ги искористи за никој да не влијае на истрагата? А да, и како ќе го направи тоа? 🤔 Или пак не си ги знае ингеренциите!?

3. Со тоа што кажува дека е време да покажеме на меѓународната заедница дека системот треба да профункционира всушност потврдува дека ништо не функционира. А да, и нели мисли дека поважно е да покажеме на граѓаните на Република Македонија? Ако веќе не функционира системот, тогаш кој е виновен за тоа? Ќе потсетам дека извршната, законодавната и неформално судската власт се под ингеренции на партијата која го предложи Пендаровски.

4. Не ви се чини дека со тоа што кажува дека аферата “Рекет” скапо ќе не чини за добивање на датум за преговори со ЕУ е само алиби и веќе знаат дека датум нема да има ни во Октомври? Или датум добивме лани? Нели? Се сеќава некој како беше?

5. Им замери на обвинителите дека се на одмор! Пази мајката, па на одмор се веќе втора недела, што не излезе да им замери првиот ден кога отидоа, а не сега кога веќе и медиумски се објави дека Катица се вратила, а Вилма за некој ден си иде?

Во Велес викаме еден асален да се немало!

#Оставка

#ПредвремениПарламентарниИзбори

Поврзани вести

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...