Ќе има правда и ќе има мир откако Заев и неговите послушници ќе одговараат пред законот

Соопштение до јавноста, реакција на изјава на Снежана Калеска Ванчева 

Снежана Калеска – Ванчева, делуваше збунето и тажно. Се чувствува непријатно во сопствена кожа затоа што ја натерале да брани криминал и да се понижува пред очите на целата јавност убедувајќи ги граѓаните дека тоа што го гледаат не го гледаат и тоа што го слушаат не го слушаат.

Така е тоа претседател ти е аболициран криминалец, кој е глава на октоподот од кој што Македонија е ставена на меѓународниот столб на срамот. Не се одважил Зоран Заев да и даде на Калеска – Ванчева барем една торба Луј Витон за да се чувствува покомотно додека се труди да лаже и да го испере. Дури и Боки Тредичи заслужил повеќе од неа.

Јавноста е згрозена од рекет системот воспоставен од Зоран Заев. Овој пат нема бегање од одговорност. Одговорност од власта бараат и нашите меѓународни партнери.

Ништо нема да биде во ред колку и да ги теши Катица или Русковска се додека главата на октоподот и разно разни Кики, Фрики или Шеки не седнат на обвинителна клупа.

Залудно се тресе и се напрега Калеска – Ванчева. Граѓаните веќе знаат дека се што Заев кажа – излажа. Пратеничката од СДСМ ќе има време да поставува прашања кога ќе биде опозиција, а во овој кус период додека нејзиниот шеф е уште на власт нека се подготви подобро за следната прес конференција за да одговори на прашањата:

  1. Дали Зоран Заев има близок соработник и висок функционер кој бил чест гостин на вечера заедно со Катица Јанева кај првоосомничениот Боки Тредичи?
  2. Дали Заев е сигурен дека само еднаш се видел со второосомничениот и разговарале за инвестиција во рудници?
  3. Која институција го истражуваше потеклото на 720.000 евра и по чија ургенција истите беа одмрзнати за да може да бидат подигнати?
  4. Каде патувала торбата Луј Витон, полна со милион ипол евра и кој се знаел за торбата изминативе месеци, но ја кочел истрагата?
  5. Кој дал наредба Катица Јанева и Кики и Фрики да не бидат опфатени со истрагата и да им се обезбеди време да ги прикриваат и уништуваат доказите? Што знаат тие за криминалите на Заев и што планирале да откријат доколку биле притворени?

Во период што ќе следи ќе има дополнителни прашања и во други области, па редно е сериозно и добро да размислат пред да одговорат.

Ќе има правда и ќе има мир во Македонија, а нив ќе ги донесат граѓаните на избори. Ќе има правда и ќе има мир откако Зоран Заев и неговите послушници ќе одговараат пред законот.

Набргу доаѓа периодот на обнова на Македонија и тогаш сите ќе бидат еднакви пред законот и законот ќе важи подеднакво за сите.

 

 Со почит,
Центар за комуникации на ВМРО-ДПМНЕ

Поврзани вести

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...

Мицкоски до просветните работници: Заев не ја зголемува вашата плата, туку ви одзема од вашата плата која ви е гарантирана со закон и колективниот договор во образованието

Интегрален текст од видео обраќање на Христијан Мицкоски, Претседател на ВМРО-ДПМНЕ Почитувани наставници и...

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...