Мицкоски: Нови изборни модели нема да го спасат Заев од пораз на следните избори

Претседателот на ВМРО-ДПМНЕ, Христијан Мицкоски, на ТВ Телма истакна дека Заев нема да се спаси од поразот на следните избори и дека поразот на власта е неминовен.

Тој вели дека, во врска со отворените листи, треба да внимаваме во делот како би ги правеле тие измени и вели ако е намерата со тие измени да се спаси Заев од пораз на следните избори и тоа нема да му помогне затоа што поразот е неминовен.

Мицкоски истакна дека денеска Изборниот законик е збирка на политички желби и да ги прашате од ДИК ќе кажат дека тешко се снаоѓаат со него.

Тој вели дека ВМРО-ДПМНЕ не бега  од договор на крајот од денот ние ќе седнеме на маса и ќе договориме тоа што треба, затоа што градиме заедничка држава.

-Ние не можеме повторно да градиме држава која што ќе биде производ на политички пазар како на зелен маркет, помеѓу Зоран Заев и неговите коалициони партнери.

Мицкоски објасни дека можно е и веќе следните избори да има смена на изборните модели и промена на Изборниот законик доколку се увиди дека има таква потреба и системот не функционира,доколку тоа е во функција на граѓаните.

-Резултатот од целокупните штетни политики на Владата во изминативе 3 години е пораз на следните избори за власта, вели тој.

Поврзани вести

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...